കോട്ടയം : വീട്ടമ്മയും ഭർത്താവിനെയും വീടുകയറി ആക്രമിച്ച കേസിൽ രണ്ടുപേരെ പോലീസ് അറസ്റ്റ് ചെയ്തു. ചങ്ങനാശ്ശേരി ഫാത്തിമപുരം ഭാഗത്ത് പാലത്തിങ്കൽ വീട്ടിൽ ലാലു സെബാസ്റ്റ്യൻ (60), ഇയാളുടെ സഹോദരൻ ബിജു സെബാസ്റ്റ്യൻ (53) എന്നിവരെയാണ് തൃക്കൊടിത്താനം പോലീസ് അറസ്റ്റ് ചെയ്തത്.
Advertisements
ഇവർ 31-)o തീയതി വൈകിട്ട് 3:00 മണിയോടുകൂടി വീട്ടമ്മയുടെ വീടിന്റെ സിറ്റൗട്ടിൽ അതിക്രമിച്ച് കയറി ചീത്ത വിളിക്കുകയും ഭർത്താവിനെയും വീട്ടമ്മയെയും ഉപദ്രവിക്കുകയും ആയിരുന്നു. പരാതിയെ തുടർന്ന് തൃക്കൊടിത്താനം പോലീസ് കേസ് രജിസ്റ്റർ ചെയ്യുകയും എസ്.എച്ച്.ഓ അനൂപ് ജി യുടെ നേതൃത്വത്തിൽ ഇവരെ അറസ്റ്റ് ചെയ്യുകയും ആയിരുന്നു.ഇരുവരെയും കോടതിയില്‍ ഹാജരാക്കി.