വയനാട് ഫണ്ട്: കോൺഗ്രസിന് കൃത്യമായ കണക്കുണ്ടെന്ന് കെ.സി വേണുഗോപാൽ 

ആലപ്പുഴ: വയനാട് ഫണ്ടിൽ കോൺഗ്രസിന് കൃത്യമായ കണക്കുണ്ടെന്ന് കെ സി വേണുഗോപാൽ. കണക്ക് കെ പി സി സി പറയും. എന്ത് ചോദ്യം ചോദിച്ചാലും ഞങ്ങൾക്ക് മറുപടിയുണ്ട്. വീട്ടിൽ പോയി ചോദിക്കാൻ ഞങ്ങൾ പറയില്ല. ചോദ്യം ചോദിക്കുന്നവരെ സൈബർ ഇടത്തിൽ അധിക്ഷേപിക്കില്ല. രാഹുൽ മാങ്കൂട്ടത്തിൽ കോൺഗ്രസിനായി പ്രചരണം നടത്തുന്നതിൽ എന്ത് കുഴപ്പം. രാഹുലിന്റെ പശ്ചാത്തലം കോൺഗ്രസ് രാഷ്ട്രീയമാണ്. കോൺഗ്രസ്സ് പുറത്താക്കിയെന്നേയുള്ളൂ. കണ്ണൂരിൽ കള്ളവോട്ടിനായി വ്യാജ ആധാർ കാർഡ് ഉണ്ടാക്കുന്നുവെന്ന ആരോപണത്തിൽ ഉറച്ചു നിൽക്കുന്നതായും കെ സി വേണുഗോപാൽ ആരോപിച്ചു.