കൊച്ചി, 09 ഏപ്രിൽ 2024: ഇവൻ്റ് മാനേജ്മെൻ്റ് അസോസിയേഷൻ ഓഫ് കേരളയുടെ ഇമാക് – 2024 സൈലൻ്റ് ഹീറോസ് ലൈഫ് ടൈം അച്ചീവ്മെൻ്റ് പുരസ്കാരം മുൻ എം.പിയും മാതൃഭൂമി പ്രിൻ്റിംഗ് ആൻഡ് പബ്ലിഷിംഗ് കമ്പനി മാനേജിംഗ് ഡയറക്ടറുമായ എം.വി ശ്രേയാംസ് കുമാറിന്.
കേരളത്തിനകത്തും പുറത്തും ശ്രദ്ധേയമായ സാംസ്കാരിക സാഹിത്യോത്സവങ്ങൾ സംഘടിപ്പിക്കുന്നതിനായി നടത്തിയ ശ്രമങ്ങളാണ് പുരസ്കാരത്തിന് അർഹനാക്കിയത്. 1999-ൽ കേരളത്തിലെ കോളേജ് വിദ്യാർത്ഥികൾക്കായി നടത്തിയ മാതൃഭൂമി കലോത്സവം, മാതൃഭൂമി ഫിലിം അവാർഡ്, മോജോ റേസിംഗ്, മാതൃഭൂമി ഇൻ്റർനാഷണൽ ഫെസ്റ്റിവൽ ഓഫ് ലെറ്റേഴ്‌സ് (എം.ബി.ഐ.എഫ്.എൽ), കൾച്ചർ തുടങ്ങിയ പരിപാടികളിൽ സുപ്രധാന പങ്കായിരുന്നു അദ്ദേഹം വഹിച്ചത്. ഏപ്രില്‍ 17-ന് കൊച്ചി ലെമെറിഡിയനില്‍ വച്ച് പുരസ്കാരം നല്‍കും
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇമാക് സൈലൻ്റ് ഹീറോസ് അവാർഡുകളുടെ അഞ്ചാം പതിപ്പാണ് ഇമാക് 2024. സംസ്ഥാനത്തെ ഇവൻ്റ് മാനേജർമാരുടെ മികച്ച പ്രവർത്തനങ്ങളെ പ്രോത്സാഹിപ്പിക്കുക എന്ന ലക്ഷ്യത്തോടെയാണ് എല്ലാ വർഷവും ഇമാക് അവാർഡുകൾ നൽകുന്നത്.