കോട്ടയം : ട്രെയിനിൽ യാത്ര ചെയ്യുകയായിരുന്ന യുവതിയെ മറ്റൊരു കോച്ചിലേയ്ക്ക് ക്ഷണിക്കുകയും അശ്ലീല ചുവയോടെ സംസാരിക്കുകയും ചെയ്ത ടിക്കറ്റ് എക്സാമിനർ പിടിയിൽ. തിരുവനന്തപുരം ഡിവിഷനിലെ ടിക്കറ്റ് എക്സാമിനർ നിതീഷ് (35) നെയാണ് റെയിൽ വേ പൊലീസ് അറസ്റ്റ് ചെയ്തത്. തിങ്കളാഴ്ച രാത്രി ഒൻപത് മണിയോടെ നിലമ്പൂർ – കൊച്ചുവേളി രാജ്യറാണി എക്സ്പ്രസിലായിരുന്നു സംഭവം. ട്രെയിനിലെ എസ് ഫോർ കോച്ചിൽ യാത്ര ചെയ്യുകയായിരുന്ന യുവതിയോട് പ്രതി മോശമായി സംസാരിക്കുകയും കയ്യിൽ പിടിച്ച് വലിക്കുകയും മറ്റൊരു കൊച്ചിലേയ്ക്ക് മാറി ഇരിക്കാൻ നിർബന്ധിക്കുകയും ആയിരുന്നു.
സംഭവസമയം ടിടിഇ മദ്യപിച്ചിരുന്നതായി പരിശോധനയില്‍ കണ്ടെത്തി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
നിലമ്പൂരില്‍ നിന്നും പിതാവിനൊപ്പം റെയില്‍വേ സ്റ്റേഷനിലെത്തിയ യുവതി ഒറ്റയ്ക്കാണ് ട്രെയിനില്‍ കയറിയത്. ഇതിനിടയിലായിരുന്നു ടിടിഇയുടെ അതിക്രമം. തുടര്‍ന്ന് പെണ്‍കുട്ടി തിരുവനന്തപുരം പൊലീസ് കണ്‍ട്രോള്‍ റൂമിലേക്കും റെയില്‍വേ പൊലീസ് കണ്‍ട്രോള്‍ റൂമിലേക്കും ഫോണിലൂടെ പരാതി അറിയിക്കുകയായിരുന്നു.
തുടർന്ന് യുവതിയുടെ പരാതിയുടെ അടിസ്ഥാനത്തിൽ കോട്ടയം റെയിൽവേ എസ് ഐ റെജി പി ജോസഫ് പ്രതിയെ അറസ്റ്റ് ചെയ്യുകയായിരുന്നു. ഇയാളെ കോടതിയിൽ ഹാജരാക്കി.