കോട്ടയം: കോട്ടയം ബോട്ട് ജെട്ടി ബിവറേജസ് കോർപ്പറേഷൻ ചില്ലറ വിൽപ്പന ശാലയിൽ ജീവനക്കാർ തമ്മിലടിച്ചു. മദ്യ ലഹരിയിലാണ് ജീവനക്കാർ ചില്ലറ വിൽപ്പന ശാലയിൽ തമ്മിലടിച്ചത്. ജീവനക്കാരും ഉപഭോക്താക്കളും നോക്കി നിൽക്കെയാണ് ചൊവ്വാഴ്ച വൈകിട്ട് ആറരയോടെ ജീവനക്കാർ തമ്മിലടിച്ചത്. വീഡിയോ സോഷ്യൽ മീഡിയയിൽ വൈറലായി മാറിയിട്ടുണ്ട്. എന്നാൽ, ഇത്തരത്തിൽ ഒരു സംഭവം ഉണ്ടായിട്ടേയില്ലെന്ന നിലപാടാണ് കോട്ടയത്തെ ബിവറേജസ് കോർപ്പറേഷൻ അധികൃതർ സ്വീകരിച്ചിരിക്കുന്നത്.
ചൊവ്വാഴ്ച വൈകിട്ട് ആറരയോടെയായിരുന്നു സംഭവം. ഇവിടെ മദ്യം വാങ്ങുന്നതിനായി എത്തിയവരിൽ ചിലരാണ് വീഡിയോ പകർത്തി സോഷ്യൽ മീഡിയയിൽ പ്രചരിപ്പിച്ചത്. ബിവറേജസ് കോർപ്പറേഷന്റെ ചില്ലറ വിൽപ്പന ശാലയ്ക്കുള്ളിൽ മദ്യ ലഹരിയിൽ എത്തിയ ജീവനക്കാർ തമ്മിൽ ഉന്തും തള്ളും ഉണ്ടാകുകയും, ഒരാളുടെ മുണ്ട് അഴിച്ച് പരിശോധിക്കുന്നതുമാണ് വീഡിയോയിൽ ഉള്ളത്. സംഭവം വിവാദമായി മാറുകയും ചെയ്തു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബിവറേജസ് കോർപ്പറേഷൻ ചില്ലറ വിൽപ്പന ശാലയിലെ ഒരു ജീവനക്കാരന്റെ മകളുടെ വിവാഹത്തിന്റെ ഭാഗമായുള്ള സൽക്കാരത്തിൽ പങ്കെടുത്ത ശേഷമാണ് സംഘം ചില്ലറ വിൽപ്പനശാലയിൽ എത്തിയതെന്നാണ് വിവരം. ഇതിനു ശേഷം ഇവർ ചില്ലറ വിൽപ്പന ശാലകയ്ക്കുള്ളിൽ വച്ച് ഏറ്റുമുട്ടുകയായിരുന്നു. ഒരാളുടെ അരയിലിരുന്ന മദ്യക്കുപ്പിയെച്ചൊല്ലിയാണ് തകർക്കമുണ്ടായതെന്നാണ് ഇവിടെ നടത്തിയ അന്വേഷണത്തിൽ ലഭിച്ച വിവരം. തുടർന്ന് മാനേജർ ഇയാളോട് മദ്യക്കുപ്പിയെപ്പറ്റി ചോദിക്കുകയും, തുടർന്ന് വാക്കേറ്റവും കയ്യാങ്കളിയും ഉണ്ടാകുകയും ചെയ്യുകയായിരുന്നുവെന്നും പറയപ്പെടുന്നു.
എന്നാൽ, ഇത്തരത്തിൽ ഒരു സംഭവം ഉണ്ടായിട്ടില്ലെന്ന നിലപാടിലാണ് ബിവറേജസ് കോർപ്പറേഷൻ. വീഡിയോ വൈറലായിട്ടു പോലും ഇതുവരെയും ഔദ്യോഗികമായി വിശദീകരണം പുറത്ത് വന്നിട്ടുമില്ല.
