പ്രഖ്യാപനത്തിൽ മാത്രം ഒതുങ്ങില്ല സ്റ്റാലിന്റെ വാഗ്ദാനങ്ങൾ ; വീട്ടമ്മമാർക്ക് പ്രഖ്യാപിച്ച 1000 രൂപ മാസശമ്പളം സെപ്തംബർ 15 മുതൽ

ചെന്നൈ : തമിഴ്നാട്ടിൽ വീട്ടമ്മമാർക്ക് ആയി മുഖ്യമന്ത്രി എം.കെ സ്റ്റാലിൻ പ്രഖ്യാപിച്ച 1000 രൂപ മാസ ശമ്പളം നൽകുന്ന പദ്ധതിക്ക് ഇന്ന് ചേർന്ന മന്ത്രിസഭാ യോഗത്തിൽ തീരുമാനമായി.

സെപ്തംബർ 15 മുതൽ ശമ്പള വിതരണം നടപ്പാക്കാനാണ് തീരുമാനം. റേഷൻ കാർഡിൽ പേരുള്ള, മറ്റു വരുമാനങ്ങൾ ഒന്നും ഇല്ലാത്തവർക്കാണ് വേതനം നൽകുക.

ഡിഎംകെ സർക്കാർ മൂന്നാം വർഷം പിന്നിട്ട വേളയിലാണ് വീട്ടമ്മമാർക്കുള്ള ശമ്പളമെന്ന വാഗ്ദാനം സ്റ്റാലിൻ നടപ്പിലാക്കുന്നത്. സ്ത്രീകൾക്ക് ബസിൽ സൗജന്യ യാത്ര, പാൽ വില കുറയ്ക്കൽ, ദളിതർക്കും ട്രാൻസ്ജെൻഡറുകൾക്കുമായി ക്ഷേമപദ്ധതികൾ, വീട്ടമ്മമാർക്ക് ശമ്പളം തുടങ്ങിയ പ്രഖ്യാപനങ്ങളെല്ലാം ഡിഎംകെ നിയമസഭാ തെരഞ്ഞെടുപ്പ് വേളയിൽ നടത്തിയിരുന്നു.