ഏറ്റുമാനൂർ: ഏറ്റുമാനൂരിലെ എൻഡിഎ സ്ഥാനാർത്ഥി ആതിര ഡി .നായരുടെ തെരഞ്ഞെടുപ്പ് കൺവെൻഷൻ ചൊവ്വാഴ്ച ഏറ്റുമാനൂരിൽ നടക്കുമെന്ന് ഭാരവാഹികൾ പത്രസമ്മേളനത്തിൽ പറഞ്ഞു.
ഏറ്റുമാനൂർ നന്ദാവനം ഓഡിറ്റോറിയത്തിൽ വൈകുന്നേരം 6 മണിക്ക് നടക്കുന്ന കൺവെൻഷൻ ട്വൻറി ട്വൻറി ചെയർമാൻ സാബു എം. ജേക്കബ് ഉദ്ഘാടനം ചെയ്യും.
കൺവെൻഷൻ മുന്നോടിയായി ഏറ്റുമാനൂർ സെൻട്രൽ ജംഗ്ഷനിൽ തിരഞ്ഞെടുപ്പ് കമ്മിറ്റി
ഓഫീസിന്റെ ഉദ്ഘാടനവും നടക്കും. എൻഡിഎ യുവജനങ്ങൾക്ക് ഭരണത്തിൽ മുൻഗണന നൽകുന്നതിൻ്റ
ഭാഗമായാണ് ആതിര ടി. നായരെ സ്ഥാനാർത്ഥിയാക്കിയതെന്നും ഭാരവാഹികൾ പറഞ്ഞു.
ബിജെപി ജില്ല ജനറൽ സെക്രട്ടറി എൻ. കെ. ശശികുമാർ, ട്വൻറി ട്വൻറി നിയോജകമണ്ഡലം പ്രസിഡൻ്റ് ബോബൻ ജോർജ് തോട്ടത്തിൽ,
ട്വൻറി ട്വൻറി സംസ്ഥാന സമിതി അംഗം ജോർജ് ജോസഫ് പകലോമറ്റം, മീഡിയ കൺവീനർ രാജു എബ്രഹാം,ബിജെപി ജില്ലാ സെക്രട്ടറി പി. ആർ. സുഭാഷ് ,മണ്ഡലം പ്രസിഡൻറ് സനീഷ് ഗോപിഎന്നിവർ പ്രസ് ക്ലബ്ബിൽ നടന്ന പത്രസമ്മേളനത്തിൽ പങ്കെടുത്തു.