ഉമ്മൻ ചാണ്ടിയുടെ കുടലിന്  1.5 കിലോമീറ്റർ നീളമുണ്ടെന്ന പരാമർശം : പറ്റിയത് നാക്ക് പിഴവ് : പ്രസംഗിച്ചത് മുഖ്യമന്ത്രി ഇരുന്ന വേദിയിൽ : മറുപടിയുമായി ചാണ്ടി ഉമ്മൻ

കോട്ടയം :  ഉമ്മൻ‌ചാണ്ടിയുടെ കുടലിന്  1.5 കിലോമീറ്റർ നീളമുണ്ടെന്ന പരാമർശത്തിന് മറുപടിയുമായി ചാണ്ടി ഉമ്മൻ.  രണ്ടുമാസം മുൻപ് നടത്തിയ പ്രസംഗമാണ് ഇപ്പോൾ പുറത്ത് വന്നത്.  അപ്പ മരിച്ച സാഹചര്യത്തിൽ സ്ട്രസ് ഉണ്ടായിരുന്നു.  ആ സാഹചര്യത്തിലാണ് നാക്കു പിഴവ് പറ്റിയത് മുഖ്യമന്ത്രി ഉണ്ടായിരുന്ന വേദിയിലായിരുന്നു അന്ന് പ്രസംഗിച്ചതെന്നും ചാണ്ടി ഉമ്മൻ കോട്ടയത്ത് പറഞ്ഞു. പുതുപ്പള്ളി എം എൽ എ ചാണ്ടി ഉമ്മന് ജില്ലാ കോൺഗ്രസ് കമ്മിറ്റി നൽകിയ സ്വീകരണ സമ്മേളനത്തിൽ പ്രസംഗിക്കുകയായിരുന്നു ചാണ്ടി ഉമ്മൻ.

രണ്ടുമാസം കഴിഞ്ഞ് ഈ പ്രസംഗം ഇപ്പോൾ എങ്ങനെ   പുറത്തുവന്നതായി ചാണ്ടി ഉമ്മൻ ചോദിക്കുന്നു.  എങ്ങനെയും ആക്ഷേപിക്കുക എന്ന നിലയിലേക്ക് ഇവിടുത്തെ രാഷ്ട്രീയം തരംതാണു. കഴിഞ്ഞ 20 വർഷക്കാലം പിതാവിനെ വേട്ടയാടി. എനിക്കും ഗണേശനും ഭൂമിയുണ്ടെന്ന് ദേശാഭിമാനി 2011 ൽ എഴുതി.  ഈ ഭൂമി ഞാൻ തപ്പി നോക്കാൻ തുടങ്ങിയിട്ട് കാലം കുറെയായി.  ഈ വാർത്ത കൊടുത്തതെല്ലാം കോൺഗ്രസുകാരാണോ. 

നിയമസഭയിലെ ഇടത് പ്രസംഗം കേട്ടപ്പോൾ എനിക്ക് അങ്ങനെ തോന്നി.  ഇതു കൊണ്ട് ഞങ്ങൾ തളരില്ല. 20 വർഷമായി കുടുംബത്തെ വേട്ടയാടുകയാണ്.  വ്യക്തിജീവിതങ്ങളെ കൊണ്ട് കളിക്കുന്ന ഈ രീതി അവസാനിപ്പിക്കേണ്ടത് കേരള സമൂഹത്തിന് ആവശ്യം.  മാണി സാറിനെ എന്തൊക്കെ പറഞ്ഞ് ആക്ഷേപിച്ചു എന്നത് നമുക്ക് മറക്കാൻ കഴിയില്ല. അത് മറന്നുകൊണ്ട് കോട്ടയത്തെ രാഷ്ട്രീയത്തിന് എങ്ങനെ മുന്നോട്ടു പോകാൻ കഴിയും . പി.ടി ചാക്കോ മുതൽ ഉള്ള നേതാക്കൾക്ക് നേരെ ആക്രമമുണ്ടായതായും 

എന്നിട്ട് എല്ലാം കോൺഗ്രസ് ആണെന്ന് പറഞ്ഞു തീർക്കാൻ ശ്രമിച്ചു.  അത്തരം പ്രചരണം കൊണ്ടൊന്നും യാഥാർത്ഥ്യത്തെ മറികടക്കാനാവില്ല.  ഐക്യ ജനാധിപത്യമുന്നണി ഒറ്റക്കെട്ടായി ഇതിനെയെല്ലാം നേരിടുമെന്നും അദ്ദേഹം പറഞ്ഞു.