ഇന്ധന വില വർദ്ധനവ് ജനങ്ങളോടുള്ള വെല്ലുവിളി : ഫ്രാൻസിസ് ജോർജ് എം. പി

കോട്ടയം :-പെട്രോൾ, ഡീസൽ വിലയിൽ കേന്ദ്ര സർക്കാർ വരുത്തിയ വർദ്ധനവ് രാജ്യത്തെ ജനങ്ങളോടുള്ള വെല്ലുവിളിയാണന്ന് ഫ്രാൻസിസ് ജോർജ് എം.പി.പറഞ്ഞു.

സ്വകാര്യ എണ്ണക്കമ്പനികളെ വഴി വിട്ട് സഹായിക്കുന്ന ഈ തീരുമാനം രാജ്യത്ത് എല്ലാ മേഖകളെയും പ്രതികൂലമായി ബാധിക്കും. നിർമ്മാണ മേഖലയിലെ വസ്തുക്കൾക്കും നിത്യോപയോഗ സാധനങ്ങൾക്കും വലിയ തോതിൽ വില വർദ്ധനവ് ഉണ്ടാകും.ഇത് മൂലം നിർമ്മാണ മേഖല സ്തംഭിക്കുകയും കുടുംബ ബജറ്റ് തകരുകയും ചെയ്യുമെന്ന് അദ്ദേഹം പറഞ്ഞു.

തെരഞ്ഞെടുപ്പിലെ തിരിച്ചടി ഭയന്ന് വില വർദ്ധിപ്പിക്കാതിരുന്ന ബി ജെപി സർക്കാർ ഇപ്പോൾ വില വർദ്ധിപ്പിച്ചതിലൂടെ അവരുടെ തനിനിറം പുറത്ത് വന്നിരിക്കുകയാണ്.
ജനജീവിതത്തെ സാരമായി ബാധിക്കുന്ന ഈ തീരുമാനത്തിൽ നിന്ന് സർക്കാർ പിന്തിരിയണമെന്ന് ഫ്രാൻസിസ് ജോർജ് ആവശ്യപ്പെട്ടു.