ഇന്ത്യ ഡിജിറ്റലാകുകയാണ്. സാമ്പത്തിക ഇടപാടുകള്‍ യുപിഐ വന്നതോടെ ക്യാഷ്‌ലെസ്സ് ആകാൻ തുടങ്ങിയിരുന്നു. എങ്കിലും കറൻസികളുടെ ഉപയോഗം കുറവല്ല. പലപ്പോഴും കറൻസി ഉപയോഗിക്കുമ്പോള്‍ കേടായ നോട്ടുകള്‍ ലഭിച്ചാല്‍ അല്ലെങ്കില്‍ കയ്യിലുള്ളവ ഏതെങ്കിലും രീതിയില്‍ ഉപയോഗിക്കാൻ കഴിയാത്ത വിധമായാല്‍ എന്തുചെയ്യും? ആർബിഐ മാർഗ്ഗനിർദ്ദേശ പ്രകാരം ബാങ്കുകള്‍ക്ക് കേടായ കറൻസി നോട്ടുകള്‍ മാറ്റാം. ഒരു ബാങ്കുകള്‍ക്കും അത് നിരസിക്കാനുള്ള ഓപ്ഷൻ ഇല്ല. കീറിയതോ ഒട്ടിച്ചതോ മറ്റെന്തെങ്കിലും മാറ്റം വരുത്തിയതോ ഇനി ഉപയോഗിക്കാനാകാത്തതോ ആയ നോട്ടുകള്‍ മാറ്റുന്നതിനുള്ള മാർഗ്ഗനിർദ്ദേശങ്ങള്‍ ആർബിഐ പ്രഖ്യാപിച്ചിട്ടുണ്ട്.
ഫോമുകള്‍ പൂരിപ്പിക്കാതെ തന്നെ ഈ ഇടപാടുകള്‍ പൊതുമേഖലാ ബാങ്ക് ശാഖയിലോ സ്വകാര്യമേഖലാ ബാങ്കിൻ്റെ കറൻസി ചെസ്റ്റ് ശാഖയിലോ ആർബിഐ ഇഷ്യൂ ഓഫീസിലോ നടത്താം. കേടായ നോട്ടുകള്‍ മാറ്റുന്നതിനുള്ള സേവനവും പൊതുജനങ്ങളുടെ സൗകര്യാർത്ഥം ടിഎല്‍ആർ (ട്രിപ്പിള്‍ ലോക്ക് റിസപ്റ്റാക്കിള്‍) കവറുകള്‍ വഴി നല്‍കുന്നുണ്ട്. ആർബിഐയുടെ നിയന്ത്രണമനുസരിച്ച്‌ ഏത് ബാങ്കിലും പോയി ഈ നോട്ടുകള്‍ മാറ്റിയെടുക്കാം. റിസർവ് ബാങ്ക് പറയുന്നതനുസരിച്ച്‌ ഒരു ബാങ്കിനും നോട്ടുകള്‍ മാറാൻ കഴിയില്ലെന്ന് പറയാൻ അനുവാദമില്ല. സെൻട്രല്‍ ബാങ്കിൻ്റെ നിർദ്ദേശങ്ങള്‍ അനുസരിച്ച്‌, അത് പാലിക്കാൻ വിസമ്മതിച്ചാല്‍ ബാങ്ക് അനന്തരഫലങ്ങള്‍ നേരിടേണ്ടിവരും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കേടുപാടുകള്‍ സംഭവിച്ച കറൻസി നോട്ടുകള്‍ മാറ്റുന്നതിനുള്ള ആർബിഐ വ്യവസ്ഥകള്‍. താഴെപ്പറയുന്ന ആവശ്യകതകള്‍ക്ക് വിധേയമായി കേടായ നോട്ടുകള്‍ ബാങ്കില്‍ മാറ്റാവുന്നതാണ്:
- ഗുണനിലവാരമനുസരിച്ച്‌ നോട്ടിൻ്റെ മൂല്യം കുറയും.
- ഒരു വ്യക്തിക്ക് 5,000 രൂപയില്‍ കൂടുതല്‍ കേടായ 20 നോട്ടുകള്‍ ഉണ്ടെങ്കില്‍ ഇടപാട് ഫീസ് ബാധകമാകും.
- ഒരു കൈമാറ്റം നടത്തുന്നതിന് മുമ്പ് നോട്ടില്‍ സുരക്ഷാ ചിഹ്നങ്ങളുണ്ടോ എന്ന് പരിശോധിക്കേണ്ടത് പ്രധാനമാണ്.
നോട്ടുകള്‍ മാറാൻ ബാങ്ക് വിസമ്മതിച്ചാല്‍ ഓണ്‍ലൈനായി പരാതി നല്‍കാം. ആർബിഐ ബാങ്ക് ജീവനക്കാർക്ക് എതിരെ നടപടി എടുക്കും. 1000 രൂപ വരെയുള്ള നാശനഷ്ടങ്ങള്‍ക്ക് ബാങ്ക് നഷ്ടപരിഹാരം നല്‍കാം.