ന്യൂസ് ഡെസ്ക് : അനശ്വരം എന്ന സിനിമയില്‍ മമ്മൂട്ടിയുടെ നായികയായി വെള്ളിത്തിരയിലേക്ക് എത്തിയ നടിയാണ് ശ്വേത മേനോന്‍. 1994 ലെ ഫെമിന മിസ് ഇന്ത്യ ഏഷ്യാ pപസഫിക് കിരീടവും താരം നേടിയിട്ടുണ്ട്.കൂടാതെ നിരവധി തെലുങ്ക്, തമിഴ് ഭാഷാ ചിത്രങ്ങളില്‍ അഭിനയിച്ചിട്ടുണ്ട് . മികച്ച നടിക്കുള്ള രണ്ട് കേരള സംസ്ഥാന ചലച്ചിത്ര അവാര്‍ഡുകള്‍ ശ്വേത നേടി. ഇഷ്‌ക് ആണ് ശ്വേതയുടെ ആദ്യ ഹിന്ദി ചിത്രം.
രതിനിര്‍വേദം, കളിമണ്ണ് പോലെയുള്ള സിനിമകളില്‍ അഭിനയിച്ച്‌ വിമര്‍ശനങ്ങള്‍ നേടുകയും ചെയ്തിരുന്നു. കരിയറിന്റെ തുടക്ക കാലത്ത് കാമസൂത്രയുടെ പരസ്യത്തില്‍ അഭിനയിച്ചാണ് ശ്വേത മേനോന്‍ വിവാദങ്ങളില്‍ നിറഞ്ഞത്. കാമസൂത്ര ഗര്‍ഭനിരോധന ഉറകളുടെ പരസ്യത്തില്‍ അല്പവസ്ത്രധാരിണിയായി പ്രത്യക്ഷപ്പെട്ടതോടെയാണ് ശ്വേത പരസ്യരംഗത്ത് പ്രശസ്തയാവുന്നത്. എന്നാല്‍ ഇനിയും അത്തരം പരസ്യങ്ങള്‍ വന്നാല്‍ ചെയ്യാന്‍ തീരെ മടിയില്ലെന്ന് പറയുകയാണ് ശ്വേത. മൈല്‍ സ്റ്റോണ്‍ മേക്കേഴ്സിന് നല്‍കിയ അഭിമുഖത്തില്‍ സംസാരിക്കുകയായിരുന്നു ശ്വേത മേനോന്‍.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബോളിവുഡിലോ അല്ലാതെയോ ഇനി ഏത് വേഷം ചെയ്യാനും താന്‍ റെഡിയാണ്. അതിപ്പോള്‍ രതിനിര്‍വേദമാണെങ്കിലും കാമസൂത്ര ചെയ്യാനാണെങ്കിലും ഒന്നും യാതൊരുവിധ കുഴപ്പങ്ങളുമില്ലെന്നാണ് നടി പറയുന്നത്. ഞാന്‍ ചെയ്തതൊക്കെ നല്ലതാണോ ചീത്തയാണോ എന്ന് നോക്കുകയോ അതില്‍ ഖേദിക്കുകയോ ചെയ്യാറില്ല. കാരണം അതൊക്കെ ഞാന്‍ ബോധത്തോടെ ചെയ്തതാണ്. അബോധവസ്ഥയില്‍ ഞാനൊന്നും ചെയ്തിട്ടില്ല. ഇനിയിപ്പോള്‍ ആരെങ്കിലും ബിക്കിനി ഇട്ട് അഭിനയിക്കണമെന്നാണ് പറയുന്നതെങ്കില്‍ ഞാന്‍ അതിനും തയ്യാറാണ്. അഭിമുഖത്തിനിടയില്‍ ഇടുമെന്നല്ല, അങ്ങനൊരു കഥാപാത്രം ആവശ്യപ്പെടുകയാണെങ്കില്‍ അത്തരം വേഷങ്ങളില്‍ അഭിനയിക്കാനും ഒരുക്കമാണെന്നാണ് ശ്വേത പറയുന്നത്.
എന്നും വര്‍ക്ക്‌ഔട്ട് ചെയ്യുന്ന ആളാണ് താനെന്നും വര്‍ക്ക് ഔട്ട് ചെയ്യാതെ ഡയറ്റ് എടുത്തിട്ട് കാര്യമില്ലെന്നും നടി പറഞ്ഞു. തനറെ അച്ഛന്‍ കഴിഞ്ഞു മാത്രമേ ശ്രീയ്ക്ക് പോലും ജീവിതത്തില്‍ സ്ഥാനം ഉള്ളൂ എന്നും ഷോയിലൂടെ താരം പറയുന്നു. ഇപ്പോള്‍ മോള്‍ക്ക് പതിനൊന്ന് വയസ്സായി, ആറാം ക്ലാസ്സിലാണ് പഠിക്കുന്നത്. അച്ഛന്‍ കുട്ടിയാണ് അവള്‍, എന്നെപോലെ തന്നെ. അച്ഛന്റെ മുകളില്‍ റൂളിങ് ഉള്ള ആളാണ് അവള്‍. ഞാന്‍ ബാഡ് പോലീസ് ആണ് അവള്‍ക്കെന്നും ശ്വേത പറയുന്നു.