വീണ്ടും കണ്ണീരായി ലോകകപ്പ് ആരാധന; കോട്ടയത്ത്‌ കട്ടൗട്ട് സ്ഥാപിക്കാൻ കയറിയ യുവാവ് ഷോക്കേറ്റ് മരിച്ചു

കോട്ടയം: ലോകകപ്പ് ഫുട്ബോൾ ആവേശത്തിന്റെ ഭാഗമായി കട്ടൗട്ട് സ്ഥാപിക്കുന്നതിനിടെ ഷോക്കേറ്റ യുവാവ് മരിച്ചു. കോട്ടയം ഇല്ലിക്കൽ ഇല്ലിക്കൽ അറുപുറ കൊറ്റമ്പടം ഹമീദ് കുട്ടിയുടെ മകൻ അമീൻ(22)  മുഹമ്മദാണ് മരിച്ചത്. രണ്ട് ആഴ്ചയായി കോട്ടയം മെഡിക്കൽ കോളജിൽ ചികിത്സയിലായിരുന്നു.

നാട്ടിൽ കട്ടൗട്ട് സ്ഥാപിക്കുന്നതിനായി കമുക് നാട്ടുന്നതിനിടെ വൈദ്യുതി ലൈനിൽ തട്ടുകയായിരുന്നു. അമീൻ ഉൾപ്പടെ മൂന്ന് പേർക്ക് വൈദ്യുതാഘാതം ഏറ്റിരുന്നു. രണ്ടു പേർ രക്ഷപ്പെട്ടെങ്കിലും അമീന്റെ നില ഗുരുതരമാക്കുകയായിരുന്നു. സംസ്കാരം ഇന്ന് നടക്കും.