കോട്ടയം : കഞ്ചാവ് കൈവശം വച്ച് കടത്തികൊണ്ട് വന്ന കേസിൽ പ്രതിക്ക് കഠിന തടവും പിഴയും ശിക്ഷ. ചങ്ങനാശ്ശേരി നെടുംക്കുന്നം പഞ്ചായത്ത് ഏഴാം വാർഡിൽ വടക്കുംമുറി വീട്ടിൽ ടിസ്സൺ ജോസഫി (30) നെയാണ് തൊടുപുഴ എൻ ഡി പി എസ് സ്പെഷ്യൽ കോടതി ജഡ്ജ് കെ. എൻ ഹരികുമാർ ശിക്ഷിച്ചത്.
2020 ജനുവരി മാസം 9 നാണ് കേസിനാസ്പദമായ സംഭവം ഉണ്ടായത്. ഇയാളുടെ വീട്ടിൽ നിന്നും ഒന്നര കിലോ കഞ്ചാവ് പിടിച്ചെടുത്തിരുന്നു. ഈ കേസിലാണ് പ്രതിയെ ശിക്ഷിച്ചത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മൂന്ന് വർഷം കഠിന തടവിനും 25000 രൂപ പിഴ അടക്കുന്നതിനും പിഴ അടച്ചില്ലെങ്കിൽ 6 മാസം കൂടി കഠിന തടവിനുമാണ് കോടതി ശിക്ഷിച്ചത്. ചങ്ങനാശേരി എക്സൈസ് എക്സൈസ് സർക്കിൾ ഇൻസ്പെക്ടർ ആയിരുന്ന രാജേഷ് ജോണും പാർട്ടിയും ചേർന്നാണ് കഞ്ചാവ് പിടിച്ചെടുത്തത്. കോട്ടയം അസിസ്റ്റൻ്റ് എക്സൈസ് കമ്മീഷണർ ആയിരുന്നു പി.വി. ഏലിയാസ് അന്വേഷണം നടത്തി കുറ്റപത്രം കോടതിയിൽ സമർപ്പിച്ചു. കേസിൽ പ്രോസിക്യൂഷന് വേണ്ടി എൻ ഡി പി എസ് കോടതി സ്പെഷ്യൽ പബ്ലിക് പ്രോസിക്യൂട്ടർ അഡ്വ. ബി. രാജേഷ് ഹാജരായി.