തിരുവനന്തപുരം : സംസ്ഥാനത്ത് ആഭ്യന്തര ടൂറിസ്റ്റുകളുടെ വരവില്‍ റെക്കോഡ് നേട്ടമെന്ന് മന്ത്രി പി.എ.മുഹമ്മദ് റിയാസ്. 30 ലക്ഷം ആഭ്യന്തര ടൂറസിറ്റുകളാണ് കേരളത്തിലേക്ക് എത്തിയത്.കൊവിഡ് കാലത്തെ അതിജീവിച്ച്‌ കേരളം ടൂറിസം രംഗത്ത് ഉയര്‍ന്നുവരികയാണെന്നും ഗതാഗത കണക്ടിവിറ്റിയാണ് ഏറ്റവും വലിയ പ്രശ്നമെന്നും അദ്ദേഹം പറഞ്ഞു.
Advertisements
ട്രിവാന്‍ഡ്രം ചേംബര്‍ ഓഫ് കൊമേഴ്സ് തിരുവനന്തപുരത്തെ ഗതാഗത രംഗത്തെ പ്രശ്നങ്ങള്‍ സംബന്ധിച്ച്‌ സംഘടിപ്പിച്ച ഉച്ചകോടിയില്‍ സംസാരിക്കുകയായിരുന്നു അദ്ദേഹം. അദാനി ഗ്രൂപ്പ് വൈസ് പ്രസിഡന്റ് ജീത് അദാനി, എം.പിമാരായ ശശി തരൂര്‍, ജോണ്‍ ബ്രിട്ടാസ്, എന്‍.കെ.പ്രേമചന്ദ്രന്‍, ആന്റോ ആന്റണി, എയര്‍ലൈന്‍ രംഗത്തെ പ്രതിനിധികള്‍ എന്നിവര്‍ പങ്കെടുത്തു.