കോട്ടയം : തദ്ദേശ സ്വയംഭരണ തെരഞ്ഞെടുപ്പിൽ ബിജെപി ലക്ഷ്യമിടുന്നത് അഴിമതി രഹിത ഭരണകൂടങ്ങൾ സ്ഥാപിക്കുക ആണെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ അറിയിച്ചു.
ബിജെപി ബിഡിജെഎസ് നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ബിഡിജെഎസ് സംസ്ഥാന അധ്യക്ഷൻ തുഷാർ വെള്ളാപ്പള്ളി ചടങ്ങിൽ അധ്യക്ഷനായി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കോട്ടയത്തിൻ്റെ സർവ്വതോൻമുഖമായ വികസനം ഉറപ്പാക്കും. നാഗമ്പടം സ്റ്റേഡിയം രാജ്യാന്തരതലത്തിൽ നവീകരിക്കും. മാലിന്യ സംസ്കരണത്തിന് നൂതന സംവിധാനം ഉറപ്പാക്കും.അഴിമതി തുടച്ചുനീക്കും.
നഗരസഭ ബജറ്റിൽ വകയിരുത്തുന്ന മുഴുവൻ തുകയും വികസന പ്രവർത്തനങ്ങൾക്കായി വിനിയോഗിക്കും. അതിനുള്ള രൂപരേഖ തെരഞ്ഞെടുപ്പ് കഴിഞ്ഞാൽ ഉടൻതന്നെ രൂപം നൽകും.കോട്ടയത്തിന്റെ പടിഞ്ഞാറൻ മേഖലയുടെ വെള്ളക്കെട്ട് ഉൾപ്പെടെയുള്ള പ്രശ്നങ്ങൾക്ക് ശാസ്ത്രീയമായ പരിഹാരം കണ്ടെത്തും.
കോട്ടയം നഗരസഭയിലെ എൻഡിഎ സ്ഥാനാർത്ഥി സംഗമവും വികസിത കോട്ടയം മുൻസിപ്പൽ വികസന രേഖയുടെ പ്രകാശനവും രാജീവ് ചന്ദ്രശേഖർ നിർവഹിച്ചു.
ബിജെപി നേതാക്കളായ adv ഫോൺ ജോർജ്, എസ് സുരേഷ്,എ. എൻ രാധാകൃഷ്ണൻ, എൻ. ഹരി ബിജെപി കോട്ടയം വെസ്റ്റ് ജില്ലാ പ്രസിഡണ്ട് ജി. ലിജിൻ ലാൽ , ഈസ്റ്റ് ജില്ലാ പ്രസിഡണ്ട് റോയി ചാക്കോ, എൻ പി സെൻ, adv സന്തോഷ് കണ്ടൻചിറ തുടങ്ങിയവർ പ്രസംഗിച്ചു.