വേനല്‍ക്കാലത്ത് കരിക്കിന്‍ വെള്ളം ശരീരത്തിന് നല്‍കുന്ന കുളിര്‍മ പറഞ്ഞറിയിക്കാന്‍ സാധിയ്ക്കില്ല. ശരീരത്തിന് സുഖം നല്‍കുന്ന, ഒപ്പം ക്ഷീണം മാറാന്‍ സഹായിക്കുന്ന ഒന്നാണിത്. ശരീരത്തിന് ആവശ്യമായ ഏറെ പോഷകങ്ങള്‍ അടങ്ങിയ ഒന്നാണ് കരിക്കിന്‍ വെള്ളം. എന്നാല്‍ കരിക്കിന്‍ വെളളം കുടിയ്ക്കുമ്പോള്‍ ആരോഗ്യത്തിന് മാത്രമല്ല, ചര്‍മത്തിനും ഏറെ ഗുണങ്ങളുണ്ടാകുന്നു. അടുപ്പിച്ച് 1 മാസം കരിക്കിന്‍ വെള്ളം കുടിച്ചാല്‍ ചര്‍മത്തിനുണ്ടാകുന്ന അദ്ഭുതഗുണങ്ങളെക്കുറിച്ചറിയാം.
ചര്‍മത്തിന് ഈര്‍പ്പം
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ഇത് ചര്‍മത്തിന് ഈര്‍പ്പം നല്‍കുന്നു. ഹൈഡ്രേഷന്‍ ലെവല്‍ കൂട്ടുന്നതാണ് കാരണം. കോശങ്ങള്‍ക്ക് ജലാംശം നല്‍കുന്ന ഒന്നാണിത്. ഇതിനാല്‍ വരണ്ട ചര്‍മം എന്നത് തടയാന്‍ സാധിയ്ക്കുകയും ചെയ്യുന്നു. വരണ്ട ചര്‍മമാണ് ചര്‍മത്തിന് പ്രായാധിക്യം തോന്നിപ്പിയ്ക്കുന്നതും ചര്‍മത്തില്‍ ചുളിവുകള്‍ വീഴ്ത്തുന്നതും ഇത് തടയാന്‍ കരിക്കിന്‍ വെള്ളം കുടിയ്ക്കുന്നത് സഹായിക്കുന്നു.
നിറവും തിളക്കവും വര്‍ദ്ധിപ്പിയ്ക്കാന്‍
ചര്‍മത്തിന്റെ നിറവും തിളക്കവും വര്‍ദ്ധിപ്പിയ്ക്കാന്‍ കരിക്കിന്‍വെള്ളം കുടിയ്ക്കുന്നത് കൊണ്ട് സാധിയ്ക്കുന്നു. ഇതിലെ വൈററമിന്‍ സി, പൊട്ടാസ്യം എന്നിവ ഏറെ ഗുണം നല്‍കുന്നു. ഡള്‍ സ്‌കിന്‍ പ്രശ്‌നങ്ങള്‍ ഉള്ളവര്‍ക്ക് പറ്റിയ ഏറ്റവും മികച്ചൊരു പരിഹാരമാണ് ഇത്. ഇത് ചര്‍മകോശങ്ങളെ പുനരുജ്ജീവിപ്പിച്ച് ചര്‍മത്തിന് തിളക്കവും നിറവും മിനുസവുമെല്ലാം നല്‍കാന്‍ സഹായിക്കുന്നു.
ക്ലിയര്‍ സ്‌കിന്‍
ചര്‍മത്തിലെ പാടുകള്‍ അകറ്റി ക്ലിയര്‍ സ്‌കിന്‍ നേടാന്‍ പറ്റിയ വഴിയാണ് ഇത്. ഇതിന്റെ ആന്റി ഇന്‍ഫ്‌ളമേറ്ററി ഗുണങ്ങള്‍ ചര്‍മത്തിലുണ്ടാകുന്ന പാടുകളും അലര്‍ജിയും ചുവന്ന തടിപ്പുമെല്ലാം മാറാന്‍ ഏറെ നല്ലതാണ്. വെയില്‍ ഏറ്റുള്ള കരുവാളിപ്പ് കുറയ്ക്കാന്‍ കരിക്കന്‍ വെള്ളം കുടിയ്ക്കുന്നതും പുരട്ടുന്നതുമെല്ലാം തന്നെ ഏറെ ഗുണം നല്‍കുന്നു. ഇത് അടുപ്പിച്ച് ഉപയോഗിയ്ക്കുന്നതും ചര്‍മത്തില്‍ പുരട്ടുന്നതുമെല്ലാം ഏറെ ഗുണം നല്‍കുന്ന ഒന്നാണ്.
ഓക്‌സിഡേറ്റീവ് സ്‌ട്രെസ്
അന്തരീക്ഷമലിനീകരണവും മറ്റും ചര്‍മകോശങ്ങള്‍ക്ക് ഓക്‌സിഡേറ്റീവ് സ്‌ട്രെസ് ഉണ്ടാക്കുന്നതുണ്ട്. ഇത് അകാലവാര്‍ദ്ധക്യം അടക്കമുള്ള ചര്‍മപ്രശ്‌നങ്ങള്‍ക്ക് ഇടയാക്കും. ഇതിനുള്ള പരിഹാരം കൂടിയാണ് കരിക്കിന്‍ വെള്ളം കുടിയ്ക്കുന്നത്. കരിക്കന്‍ വെള്ളത്തിലെ ആന്റിഓക്‌സിഡന്റ് ഗുണങ്ങളാണ് ഈ പ്രയോജനം നല്‍കുന്നത്. ചര്‍മകോശങ്ങളുടെ റിപ്പയറിംഗിലൂടെ ചര്‍മത്തിന് കാര്യമായ ഗുണം ലഭിയ്ക്കുന്നു.