കോട്ടയം കുറിച്ചിയിൽ നിന്ന് കാണാതായ കുട്ടിയെ പാലക്കാട് നിന്ന് കണ്ടെത്തി : കുട്ടിയെ കണ്ടെത്തിയത് ചെന്നൈ മെയിലിൽ നിന്ന്

കോട്ടയം : കുറിച്ചിയിൽ നിന്നും കാണാതായ 17കാരനെ പാലക്കാട് നിന്നും കണ്ടെത്തി. ചെന്നൈ മെയിലിൽ നിന്നുമാണ് ചിങ്ങവനം പോലീസ് സംഘം കുട്ടിയെ കണ്ടെത്തിയത്. സൈബർ പോലീസ് സംഘത്തിന്റെ സഹായത്തോടെ നടത്തിയ തിരച്ചിലിലാണ് കുട്ടിയുടെ ലൊക്കേഷൻ ട്രെയിനിൽ ഉണ്ടെന്ന് തിരിച്ചറിഞ്ഞത്. തുടർന്ന് റെയിൽവേ പോലീസിന്റെ സഹായത്തോടെ കുട്ടിയെ കണ്ടെത്തുകയായിരുന്നു.