യുവതലമുറയുടെ വികസനം ലക്ഷ്യം:ഒറ്റ ദിവസത്തില്‍ 62,000 കോടി രൂപയുടെ വിവിധ പദ്ധതികളുടെ ഉദ്ഘാടനം; പ്രധാനമന്ത്രി നരേന്ദ്ര മോദി നിർവഹിക്കും

ദില്ലി: വിദ്യാഭ്യാസം, നൈപുണ്യ വികസനം, സംരംഭകത്വം എന്നിവയിൽ രാജ്യത്തുടനീളം നിർണായക മുന്നേറ്റം ലക്ഷ്യമിട്ട് 62,000 കോടി രൂപയുടെ യുവജന കേന്ദ്രീകൃത പദ്ധതികൾ പ്രധാനമന്ത്രി നരേന്ദ്ര മോദി ശനിയാഴ്ച ഉദ്ഘാടനം ചെയ്യുന്നു.രാവിലെ 11 മണിക്ക് ദില്ലിയിലെ വിജ്ഞാൻ ഭവനിൽ നടക്കുന്ന ചടങ്ങിലാണ് പ്രധാനമന്ത്രി പദ്ധതികൾക്ക് തുടക്കം കുറിക്കുക.

കൗശൽ ദീക്ഷന്ത് സമാരോഹം: നൈപുണ്യ വികസനത്തിന് പുതുചൂട്

പ്രധാനമന്ത്രിയുടെ ലക്ഷ്യബോധത്തിന് അനുസൃതമായി സംഘടിപ്പിക്കുന്ന ദേശീയ നൈപുണ്യ സമ്മേളനത്തിന്റെ നാലാമത് പതിപ്പായ “കൗശൽ ദീക്ഷന്ത് സമാരോഹം” ചടങ്ങിന്റെ ഭാഗമായിരിക്കും ചടങ്ങുകൾ നടക്കുക.നൈപുണ്യ വികസന, സംരംഭകത്വ മന്ത്രാലയത്തിന് കീഴിലുള്ള വ്യവസായപരിശീലന സ്ഥാപനങ്ങളിൽ നിന്നും ദേശീയതലത്തിൽ ഉന്നത വിജയം നേടിയ 46 ഐടിഐ വിദ്യാർത്ഥികളെ പ്രധാനമന്ത്രി അനുമോദിക്കും.അതോടൊപ്പം, 60,000 കോടി രൂപയുടെ നിക്ഷേപമുള്ള എന്താ ആവിഷ്കൃത പദ്ധതി “പിഎം-സേതു” (Pradhan Mantri Skilling and Employability Transformation through Upgraded ITIs) പ്രധാനമന്ത്രി ഉദ്ഘാടനം ചെയ്യും.

ഐടിഐകളുടെ വമ്പൻ നവീകരണം: “പിഎം-സേതു” പദ്ധതി

രാജ്യത്തെ 1,000 ഗവൺമെന്റ് ഐടിഐകളെ നവീകരിക്കുകയാണ് പദ്ധതിയുടെ ലക്ഷ്യം.200 ഹബ് ഐടിഐകളും 800 സ്പോക്ക് ഐടിഐകളും അടങ്ങിയ ‘ഹബ് ആൻഡ് സ്പോക്ക്’ മാതൃകയിലാണ് പദ്ധതി നടപ്പാക്കുന്നത്.ഓരോ ഹബ്ബും ശരാശരി നാല് സ്പോക്കുകളുമായി ബന്ധിപ്പിക്കപ്പെടും.ഡിജിറ്റൽ പഠന സംവിധാനങ്ങൾ, ആധുനിക ട്രേഡുകൾ, ഇൻകുബേഷൻ സൗകര്യങ്ങൾ, നൂതനാശയ കേന്ദ്രങ്ങൾ, പ്ലേസ്‌മെന്റ് സേവനങ്ങൾ തുടങ്ങിയവയും ഉണ്ടാകും.വിപണി ആവശ്യകതയുമായി പൊരുത്തപ്പെടുന്ന ഫലാധിഷ്ഠിത നൈപുണ്യ വികസനം ലക്ഷ്യമിട്ടാണ് പദ്ധതി മുന്നോട്ട് പോകുന്നത്.ലോക ബാങ്കിന്റെയും ഏഷ്യൻ വികസന ബാങ്കിന്റെയും സഹധനസഹായത്തോടെ ഗവൺമെന്റ് ഉടമസ്ഥതയിലുള്ളതും വ്യവസായ മാനേജ്മെന്റിലുള്ളതുമായ ഒരു പുതിയ ഐടിഐ പരിസ്ഥിതിയാണ് പിഎം-സേതു ലക്ഷ്യമിടുന്നത്.ആദ്യഘട്ടത്തിൽ പട്‌നയും ദർഭംഗയും ഉൾപ്പെടുന്ന ഐടിഐകളിൽ പ്രാധാന്യം ലഭിക്കും.

34 സംസ്ഥാനങ്ങളിലായി 1,200 വൊക്കേഷണൽ സ്കിൽ ലാബുകൾ

നവോദയ വിദ്യാലയങ്ങൾ, ഏകലവ്യ മോഡൽ സ്കൂളുകൾ എന്നിവയിലായി 1,200 വൊക്കേഷണൽ സ്കിൽ ലാബുകൾ സ്ഥാപിച്ചിട്ടുണ്ടെന്ന് സർക്കാർ അറിയിച്ചു.ഇവയുടെ ഉദ്ഘാടനം പ്രധാനമന്ത്രി ചടങ്ങിൽ നിർവഹിക്കും.വിദൂര പ്രദേശങ്ങളിലെയും ഗോത്ര മേഖലകളിലെയും വിദ്യാർത്ഥികൾക്ക് ഐടി, ഓട്ടോമോട്ടീവ്, കൃഷി, ഇലക്‌ട്രോണിക്സ്, ടൂറിസം, ലോജിസ്റ്റിക്സ് തുടങ്ങിയ 12 മേഖലകളിൽ പ്രായോഗിക പരിശീലനം ലഭിക്കും.ഇതോടൊപ്പം, 1,200 വൊക്കേഷണൽ അധ്യാപകരെ പരിശീലിപ്പിക്കുന്ന പദ്ധതിയും നടപ്പാക്കും.പദ്ധതി ദേശീയ വിദ്യാഭ്യാസ നയം (NEP 2020) ന്റെയും സിബിഎസ്ഇ പാഠ്യപദ്ധതിയുടെയും ഭാഗമായിരിക്കും.

ബിഹാറിന് പ്രത്യേക ഊന്നൽ: യുവജന ശാക്തീകരണ പദ്ധതികൾക്ക് തുടക്കം

പരിപാടിയിൽ ബിഹാറിന്റെ പൈതൃകത്തെയും യുവജനശേഷിയെയും പ്രതിഫലിപ്പിക്കുന്ന നിരവധി പദ്ധതികളും പ്രധാനമന്ത്രി ഉദ്ഘാടനം ചെയ്യും.മുഖ്യമന്ത്രി നിശ്ചയ് സ്വയംസഹായത ഭട്ട യോജന,വർഷംതോറും 5 ലക്ഷം ബിരുദധാരികൾക്ക് 1,000 രൂപ പ്രതിമാസ അലവൻസ്, കൂടാതെ സൗജന്യ നൈപുണ്യ പരിശീലനം.ബിഹാർ സ്റ്റുഡന്റ് ക്രെഡിറ്റ് കാർഡ് പദ്ധതി,4 ലക്ഷം രൂപ വരെ പലിശരഹിത വിദ്യാഭ്യാസ വായ്പ ലഭിക്കും.ഇതുവരെ 3.9 ലക്ഷം വിദ്യാർത്ഥികൾക്ക് 7,880 കോടി രൂപയുടെ വായ്പ നൽകിയിട്ടുണ്ട്.ബിഹാർ യുവ ആയോഗ്:18–45 പ്രായപരിധിയിലുള്ളവർക്കായി സ്റ്റാറ്റിയൂട്ടറി കമ്മീഷൻ രൂപീകരിച്ച് യുവജനശാക്തീകരണം ലക്ഷ്യമിടുന്നു.

ജൻ നായക് കർപൂരി താക്കൂർ സ്കിൽ യൂണിവേഴ്‌സിറ്റി

വ്യവസായാധിഷ്ഠിത കോഴ്‌സുകൾ മുഖേന തൊഴിൽമുഖമായ വിദ്യാഭ്യാസം ഉറപ്പാക്കാൻ രൂപകൽപ്പന ചെയ്ത ജൻ നായക് കർപൂരി താക്കൂർ സ്കിൽ യൂണിവേഴ്‌സിറ്റിയുടെ ഉദ്ഘാടനവും പ്രധാനമന്ത്രി നിർവഹിക്കും.

ഉന്നത വിദ്യാഭ്യാസത്തിൽ 160 കോടി രൂപയുടെ പുതിയ പദ്ധതികൾ

പിഎം-യുഎസ്‌എച്ച്‌എ (Prime Minister Uchchatar Shiksha Abhiyan) പ്രകാരംപട്‌ന യൂണിവേഴ്‌സിറ്റി, ഭൂപേന്ദ്ര നാരായൺ മണ്ഡൽ യൂണിവേഴ്‌സിറ്റി (മധേപുര),ജയ് പ്രകാശ് വിശ്വവിദ്യാലയം (ചപ്ര), നളന്ദ ഓപ്പൺ യൂണിവേഴ്‌സിറ്റി (പട്‌ന)എന്നിവിടങ്ങളിലെ പുതിയ അക്കാദമിക്, ഗവേഷണ സൗകര്യങ്ങൾക്ക് 160 കോടി രൂപ അനുവദിച്ചിട്ടുണ്ട്.പദ്ധതി പൂർത്തിയായാൽ 27,000-ത്തിലധികം വിദ്യാർത്ഥികൾക്ക് പ്രയോജനം ലഭിക്കും.നൂതന ലബോറട്ടറികൾ, ഹോസ്റ്റലുകൾ, മൾട്ടി ഡിസിപ്ലിനറി പഠനം എന്നിവയും ഒരുക്കും.

എൻഐടി പട്‌നയിലെ പുതിയ ബിഹ്ത ക്യാമ്പസ് ര നിയമന കത്തുകളും

എൻഐടി പട്‌നയിലെ ബിഹ്ത കാമ്പസും പ്രധാനമന്ത്രി രാഷ്ട്രത്തിന് സമർപ്പിക്കും.6,500 വിദ്യാർത്ഥികൾക്ക് പഠനസൗകര്യമുള്ള ഈ ക്യാമ്പസിൽ 5G യൂസ് കേസ് ലാബ്, ഐഎസ്‌ആർഒയുമായി ചേർന്ന സ്പേസ് സെന്റർ,സ്റ്റാർട്ടപ്പുകൾക്കായുള്ള ഇൻകുബേഷൻ സെന്റർ എന്നിവയുണ്ട്.ഇതോടൊപ്പം, ബിഹാർ ഗവൺമെന്റിൽ പുതുതായി നിയമിക്കപ്പെട്ട 4,000 ഉദ്യോഗാർത്ഥികൾക്ക് നിയമന കത്തുകൾ പ്രധാനമന്ത്രി കൈമാറും.ബാലക്/ബാലിക സ്കോളർഷിപ്പ് പദ്ധതി പ്രകാരം 25 ലക്ഷം വിദ്യാർത്ഥികൾക്ക് 450 കോടി രൂപയുടെ സ്കോളർഷിപ്പ് വിതരണം ചെയ്യും.

യുവതലമുറക്ക് പുതിയ ദിശ: വിദ്യാഭ്യാസം, നൈപുണ്യം, സംരംഭകത്വം ചേർന്ന്

ഈ വിപുലമായ പദ്ധതികളിലൂടെ വിദ്യാഭ്യാസം, നൈപുണ്യ വികസനം, സംരംഭകത്വം, അടിസ്ഥാന സൗകര്യങ്ങൾ എന്നിവ സംയോജിപ്പിച്ച് രാജ്യത്തിന്റെ പുരോഗതിക്ക് ശക്തമായ അടിത്തറ പാകുകയാണ് ലക്ഷ്യം.പ്രാദേശികമായും ദേശീയമായും വളർച്ചയ്ക്കായി നൈപുണ്യമുള്ള മനുഷ്യശക്തിയുടെ കേന്ദ്രമായി ബിഹാർ ഉയരും എന്നതാണ് പ്രതീക്ഷ.