കൊച്ചി: കഴിഞ്ഞ രണ്ട് വർഷം മുമ്പ് പ്രായപൂർത്തിയാകാത്ത പെൺകുട്ടിയെ ലൈംഗിക പീഡനത്തിന് ഇരയാക്കിയ പ്രതിയെ എറണാകുളം നോർത്ത് പൊലീസ് അറസ്റ്റ് ചെയ്തു. കോട്ടയം ഈരാറ്റുപേട്ട വെണ്ണൂർ മാളിയേക്കൽ വീട്ടിൽ താമസിക്കുന്ന അൻസിൽ (19) ആണ് പ്രതി.ഫേസ്ബുക്കിലൂടെ പരിചയപ്പെട്ട 16കാരിയായ പെൺകുട്ടിയെയാണ് അൻസിൽ പ്രണയത്തിനിടയിലും പീഡനത്തിനിരയാക്കിയത്. എന്നാൽ പിന്നീട് പ്രതി മറ്റൊരു പെൺകുട്ടിയുമായി പ്രണയത്തിലായപ്പോഴാണ് പ്രശ്നങ്ങൾ പുറംലോകത്തിന് വ്യക്തമായത്.അൻസിലിന്റെ ഇപ്പോഴത്തെ കാമുകിയായ 16കാരി, കോഴിക്കോട് സ്വദേശിനി, ആദ്യ കാമുകിയുടെ നഗ്ന ചിത്രങ്ങൾ ഇൻസ്റ്റഗ്രാമിൽ പ്രചരിപ്പിച്ചതാണ് പരാതിക്ക് കാരണമായത്.
ഈ കേസിൽ ആരോപണപ്രകാരം, ചിത്രങ്ങൾ കുട്ടിയുടെ അമ്മയുടെ സ്മാർട്ട് ഫോൺ ഉപയോഗിച്ചാണ് പോസ്റ്റ് ചെയ്തിരിക്കുന്നത്.കേസിലെ വിവരങ്ങൾ പ്രകാരം, അൻസിൽ പ്രായപൂർത്തിയായതിന് ശേഷവും ആദ്യ പെൺകുട്ടിക്കു വിവാഹ വാഗ്ദാനം നൽകുകയും, തുടർന്ന് പീഡിപ്പിക്കുകയും ചെയ്തതായി പൊലീസ് കണ്ടെത്തിയിട്ടുണ്ട്. പ്രതിയും കുട്ടിയും 18 വയസ് കഴിഞ്ഞ ശേഷവും ബന്ധം തുടർന്നിരുന്നുവെന്നും റിപ്പോർട്ടുണ്ട്.പോലീസ് കേസിൽ പോക്സോ വകുപ്പ്, ബിഎൻഎസ് ആക്ട് പ്രകാരം കേസെടുത്തു. നിലവിൽ അൻസിലിന്റെ ഇപ്പോഴത്തെ കാമുകിയെയും പോലീസ് ചോദ്യം ചെയ്തു വരുന്നു.