കൊച്ചി : നാല്പതുകളില് നേരിടുന്ന ശാരീരിക, മാനസിക പ്രശ്നങ്ങളെക്കുറിച്ച് തുറന്നുപറഞ്ഞ് നടിയും അവതാരകയുമായ രഞ്ജിനി ഹരിദാസ്. ശരീരം ആർത്തവ വിരാമത്തിന്റെ സൂചനകള് നല്കിത്തുടങ്ങിയെന്നും അതിന്റെ ബുദ്ധിമുട്ടുകള് അനുഭവിക്കുകയാണെന്നും താരം മനസുതുറന്നു. സ്വന്തം യൂട്യൂബ് ചാനലിലൂടെയായിരുന്നു വെളിപ്പെടുത്തല്.
‘നാല്പതുകളിലേയ്ക്ക് കടക്കുമ്പോള് ശരീരം ആർത്തവ വിരാമത്തിന്റെ സൂചനകള് നല്കിത്തുടങ്ങും. മുൻപ് ഇഷ്ടപ്പെട്ടിരുന്ന കാര്യങ്ങള് പോലും ഇപ്പോള് ശരീരത്തിന് താങ്ങാൻ സാധിക്കാത്ത സാഹചര്യമാണ്. ശാരീരിക വേദനകളും ഹോർമോണ് വ്യതിയാനങ്ങളുമാണ് ഇപ്പോള് പ്രധാന പ്രശ്നം. വല്ലാത്തൊരു അവസ്ഥയാണ്.
പണ്ട് എത്രവേണമെങ്കിലും ആഘോഷങ്ങളില് മുഴുകാമായിരുന്നു. എന്നാലിപ്പോള് അങ്ങനെയല്ല. ഓരോ കാര്യത്തിലും നല്ല ശ്രദ്ധവേണം. കൃത്യമായ മാറ്റം അനിവാര്യമാണ്. ശരീരത്തിന്റെ രീതികളൊക്കെ മാറിത്തുടങ്ങുന്നു. അടുത്ത അഞ്ചോ പത്തോ വർഷത്തിനുള്ളില് ആർത്തവം പൂർണമായി നിലച്ചേക്കാം. ഇപ്പോള്ത്തന്നെ അതിന്റെ മാറ്റങ്ങള് അറിയുന്നുണ്ട്.
ബോഡി പെയിൻ കൂടുന്നു. ജോലിയില് ത്രില് ഇല്ല. കഴിഞ്ഞ കുറച്ച് നാളുകളായി തോളുകള്ക്ക് അനക്കാൻ പറ്റാത്ത വേദനയുണ്ട്. ഉറങ്ങാൻ പറ്റില്ല. ഉണർന്നാല് വേദന. 43 വർഷത്തില് എനിക്കിങ്ങനെ ഉണ്ടായിട്ടില്ല. ഇപ്പോഴാണ് കുട്ടികള്ക്ക് ജന്മം നല്കുന്ന സ്ത്രീകള് അനുഭവിക്കുന്ന ബുദ്ധിമുട്ടുകളെക്കുറിച്ച് ഞാൻ ചിന്തിച്ചത്. നിങ്ങളെ ആർക്കെങ്കിലും മനസിലാകുന്നുണ്ടോ?
ഹോർമോണല് ഇൻബാലൻസുണ്ടാക്കുന്ന കാര്യങ്ങളില് നിന്ന് പേടിച്ചുമാറി നിന്ന ആളാണ് ഞാൻ. കുട്ടികളില്ല, കല്യാണമില്ല, ഈ സമയത്ത് കാമുകനുമില്ല. ടെക്നിക്കലി സ്ട്രെസ് ഇല്ല. ബയോളജിക്കലി സ്ട്രെസ് വരുന്ന ഘട്ടത്തിലാണിപ്പോള്. ഇതിലെനിക്ക് വലിയ ദേഷ്യവും വിഷമവുമുണ്ട്’- രഞ്ജിനി ഹരിദാസ് വ്യക്തമാക്കി.
നാല്പതുകളില് നേരിടുന്ന ശാരീരിക, മാനസിക പ്രശ്നങ്ങളെക്കുറിച്ച് തുറന്നുപറഞ്ഞ് നടിയും അവതാരകയുമായ രഞ്ജിനി ഹരിദാസ് : ശരീരം ആർത്തവ വിരാമത്തിന്റെ സൂചനകള് നല്കിത്തുടങ്ങിയെന്നും താരം
Advertisements