ബെംഗളൂരു: ശബരിമലയില് നിന്നും ഉണ്ണികൃഷ്ണന് പോറ്റി കടത്തി ബെല്ലാരിയിലെ വ്യാപാരിക്ക് വിറ്റ സ്വര്ണം കണ്ടെത്തി. ഉണ്ണികൃഷ്ണന് പോറ്റിയുമായുള്ള തെളിവെടുപ്പിനിടെ ബെല്ലാരിയിലെ ജ്വല്ലറിയില് നിന്നാണ് കട്ടികളുടെ രൂപത്തില് പ്രത്യേക അന്വേഷണസംഘം സ്വര്ണം കണ്ടെത്തിയത്.
Advertisements
ഇന്നലെ വൈകിട്ടാണ് എസ്ഐടി സംഘം ബെല്ലാരിയിലെ സ്വർണവ്യാപാരി ഗോവര്ധനന്റെയും ഉണ്ണികൃഷ്ണന് പോറ്റിയുടെയും സാന്നിധ്യത്തില് സ്വര്ണം വീണ്ടെടുത്തത്. 476 ഗ്രാം സ്വര്ണമാണ് ഉണ്ണികൃഷ്ണന് പോറ്റി ഗോവര്ധന് വിറ്റിരുന്നത്. ഇത് മുഴുവന് വീണ്ടെടുക്കാനായോ എന്നതില് വ്യക്തതയില്ലെങ്കിലും ഭൂരിഭാഗം പങ്കും കണ്ടെത്തിയെന്നാണ് വിവരം.