കോഴിക്കോട് : പരാജയം ഉറപ്പായപ്പോള്‍ സിപിഎം തൻ്റെ പേരിനെ ഉള്‍പ്പെടെ വർഗീയമായി ചിത്രീകരിച്ച്‌ പ്രചാരണത്തിന് ഉപയോഗിച്ചെന്ന് വടകരയിലെ യുഡിഎഫ് സ്ഥാനാര്‍ത്ഥി ഷാഫി പറമ്പില്‍. തൻ്റെ പേരോ മതമോ ഒരു തെരഞ്ഞെടുപ്പിലും പ്രചാരണ വിഷയമായിട്ടില്ല. രാജസ്ഥാനില്‍ വർഗീയ പ്രസംഗം നടത്തിയ പ്രധാനമന്ത്രിയും വടകരയില്‍ തനിക്കെതിരെ പ്രചാരണം നടത്തുന്ന സിപിഎമ്മും ഒരേ മനസ്സോടെയാണ് പ്രവർത്തിക്കുന്നതെന്നും ഷാഫി കുറ്റപ്പെടുത്തി. സൈബർ അധിക്ഷേപ പരാതിയില്‍ പ്രതികളാക്കപ്പെട്ട കോണ്‍ഗ്രസ് ലീഗ് പ്രവർത്തകരെ ന്യായീകരിക്കാൻ താനില്ലെന്നും ഷാഫി പറമ്പില്‍ പ്രതികരിച്ചു.