തിരുവനന്തപുരം:സ്കൂൾ കുട്ടികളെ തിരഞ്ഞെടുപ്പുമായി ബന്ധപ്പെട്ട പ്രവൃത്തികളിൽ വോളന്റിയർമാരാക്കാൻ അനുവദിക്കില്ലെന്ന കർശന നിലപാടുമായി സംസ്ഥാന സർക്കാർ രംഗത്തെത്തി. എസ്.ഐ.ആർ പ്രവർത്തനങ്ങൾക്ക് വിദ്യാർത്ഥികളുടെ സേവനം ആവശ്യപ്പെട്ട് കോഴിക്കോട് ജില്ലാ ഭരണകൂടം സ്കൂളുകൾക്ക് കത്തയച്ചതിനെ തുടർന്ന് വിവാദം പൊട്ടിപ്പുറപ്പെട്ടിരുന്നു.വിദ്യാഭ്യാസ മന്ത്രി വി. ശിവൻകുട്ടി വ്യക്തമാക്കിയത് സ്കൂൾ കുട്ടികളെ എസ്.ഐ.ആർ പ്രവർത്തനങ്ങളിൽ ഉൾപ്പെടുത്തുന്നത് അംഗീകരിക്കാനാവില്ലെന്നും പഠനത്തെ ബാധിക്കുന്ന പ്രവർത്തനങ്ങൾക്ക് അനുമതി നൽകില്ലെന്നും ആയിരുന്നു.
“കുട്ടികൾക്ക് എന്തെങ്കിലും പ്രശ്നം നേരിട്ടാൽ അതിന് ഉത്തരവാദി ആരായിരിക്കും?” എന്ന ചോദ്യവും മന്ത്രി ഉയർത്തി. പൊതുവിദ്യാഭ്യാസ ഡയറക്ടറെ ഈ സംബന്ധമായി ചട്ടക്കുള്ളിൽ നടപടി സ്വീകരിക്കാൻ നിർദേശിച്ചിട്ടുണ്ടെന്നും അദ്ദേഹം പറഞ്ഞു.അതേസമയം, പ്രധാന തിരഞ്ഞെടുപ്പ് ഓഫീസർ ഡോ. രത്തൻ ഖേൽക്കർ അഭിപ്രായപ്പെട്ടു ബി.എൽ.ഒമാരെ സഹായിക്കുന്നതിന് വിദ്യാർത്ഥികളെ വോളന്റിയർമാരാക്കുന്നതിൽ തെറ്റില്ലെന്നും ഇത്തരം പ്രവർത്തനങ്ങൾ ജനാധിപത്യ പ്രക്രിയയെ ശക്തിപ്പെടുത്തുന്നതാണെന്നും.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
സ്കൂൾ വിദ്യാർത്ഥികളുടെ സേവനം ഡിജിറ്റൈസേഷനും മാപ്പിംഗിനുമാണ് വിനിയോഗിക്കാനുദ്ദേശിക്കുന്നത് എന്ന് തിരുവനന്തപുരം ജില്ല കലക്ടർ വ്യക്തമാക്കി.കോഴിക്കോട് ജില്ലയിലെ റവന്യൂ അധികൃതരാണ് സ്കൂളുകളിലെ, എൻഎസ്എസ്, എൻ സി സി, സ്കൗട്ട് വിഭാഗങ്ങളിലെ വോളന്റിയർമാരുടെ പേരുവിവരങ്ങൾ ആവശ്യപ്പെട്ടത്. എന്നാൽ അർധവാർഷിക പരീക്ഷകളുടെ സമയത്താണിതെന്നും കുട്ടികളെ പഠനത്തിൽ നിന്നും തെറ്റിക്കുന്ന നടപടിയാണിതെന്നുമുള്ള ആശങ്കകളും ഉയരുന്നുണ്ട്.