ആലപ്പുഴ: ആലപ്പുഴ ബീച്ചില്‍ നിർമ്മാണം നടക്കുന്ന പുതിയ ബൈപ്പാസ് മേല്‍പാതയുടെ നാല് ഗർഡറുകള്‍ തകർന്ന് വീണു. നിർമാണ പ്രവർത്തനങ്ങള്‍ നടക്കുന്നതിനിടെയാണ് അപകടം ഉണ്ടായത്. അപകടത്തില്‍ ആളപായമില്ലെന്നാണ് നിഗമനം. 90 ടണ്‍ വീതം ഭാരമുള്ള ഗർഡറുകളാണ് വീണത്.
Advertisements
ആളുകള്‍ അടിയില്‍പ്പെട്ടിട്ടുണ്ടോയെന്ന് ഗർഡറുകള്‍ ഉയർത്തി പരിശോധിക്കുമെന്ന് പൊലീസ് അറിയിച്ചു. ഇതിനിടെ തകർന്ന ഗർഡറിൻ്റെ അവശിഷ്ടങ്ങള്‍ നീക്കാൻ സമ്മതിക്കാതെ നാട്ടുകാർ പ്രതിഷേധിച്ചു. ജില്ലാ കളക്ടർ അലക്സ് വർഗീസ് അപകടസ്ഥലം സന്ദർശിച്ചു. രണ്ട് ദിവസത്തിനകം റിപ്പോർട്ട് നല്‍കാൻ ആവശ്യപ്പെട്ടിട്ടുണ്ടെന്നും ബലയക്ഷയുണ്ടെന്ന ആക്ഷേപത്തില്‍ വിശദമായ പരിശോധന നടത്തുമെന്നും കളക്ടർ അറിയിച്ചു. ദേശീയ പാത പ്രോജക്‌ട് ഡയറക്ടർ സ്ഥലത്തെതും.