ചെന്നൈ :പ്രണയാഭ്യർഥന നിരസിച്ചതിനെ തുടര്ന്ന് പ്ലസ് ടു വിദ്യാർത്ഥിനിയെ യുവാവ് കുത്തിക്കൊലപ്പെടുത്തി. രാമനാഥപുരം ജില്ലയിലെ ചേരൻകോട്ടയിൽ വെ ച്ചാണ് സംഭവം. ശാലിനി (17) എന്ന വിദ്യാർത്ഥിനിയെയാണ് ഇന്ന് രാവിലെ സ്കൂളിലേക്കു പോകും വഴിയിൽകൊലപ്പെടുത്തിയത്.പ്രദേശവാസിയായ മുനിരാജ് എന്ന യുവാവ് ചില ദിവസങ്ങൾക്ക് മുമ്പ് ശാലിനിയുടെ പിന്നാലെ നടന്ന് പ്രണയാഭ്യർഥന നടത്തിയിരുന്നു. താൽപര്യമില്ലെന്ന് ശാലിനി വ്യക്തമാക്കിയതിനെത്തുടർന്ന് കഴിഞ്ഞ ആഴ്ചയും ഇയാൾ വീണ്ടും ശല്യപ്പെടുത്തിയിരുന്നു. സംഭവം വീട്ടുകാർക്ക് അറിയിച്ചതിനെ തുടർന്ന് ശാലിനിയുടെ പിതാവ് മാരിയപ്പൻ കഴിഞ്ഞ ദിവസം യുവാവിനെ താക്കീത് ചെയ്തിരുന്നു.
ഇതിന്റെ പ്രതികാരമെന്ന നിലയിൽ ഇന്ന് രാവിലെ മുനിരാജ് വഴിവക്കിൽ ഒളിച്ചു നിന്നു. സംസാരിക്കാനുള്ള ശ്രമവും ശാലിനിയുടെ വീണ്ടും നിരസിച്ച മറുപടിയും പിന്നാലെ, ഒളിപ്പിച്ചു വച്ചിരുന്ന കത്തി എടുത്ത് കഴുത്തിലും നെഞ്ചിലും ഇയാൾ കുത്തുകയായിരുന്നുവെന്ന് പൊലീസ് അറിയിച്ചു.രക്തസ്രാവം മൂലം വീണുവീണ ശാലിനിയെ ഉടൻ രാമേശ്വരത്തെ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. സംഭവത്തിനിടെ മദ്യലഹരിയിലായിരുന്നുവെന്ന് പ്രദേശവാസികൾ പറയുന്നു.ശാലിനിയെ കുത്തിക്കൊലപ്പെടുത്തിയ ശേഷം രക്ഷപ്പെടാൻ ശ്രമിച്ച മുനിരാജിനെ നാട്ടുകാർ ചേർന്നാണ് തടഞ്ഞുനിർത്തി പൊലീസിന്റെ കയ്യിൽ ഏൽപിച്ചത്. സംഭവവുമായി ബന്ധപ്പെട്ട് പൊലീസ് അന്വേഷണം ആരംഭിച്ചു.