മൂന്നുമാസമായി ഒഴിഞ്ഞുകിടന്ന സംസ്ഥാന തിരഞ്ഞെടുപ്പ് കമ്മിഷണർ പദവിയിലേക്ക് വിരമിച്ച ജില്ലാ ജഡ്ജി എൻ. ശേഷാദ്രിനാഥനെ നിയമിച്ചു. അദ്ദേഹത്തെ നിയമിക്കാനുള്ള മന്ത്രിസഭയുടെ ശുപാർശയിൽ ഗവർണർ ഒപ്പുവെച്ചു. കഴിഞ്ഞ മാർച്ച് 30-ന് എ. ഷാജഹാൻ സ്ഥാനമൊഴിഞ്ഞതിനെത്തുടർന്നാണ് പുതിയ നിയമനം. ശേഷാദ്രിനാഥന്റെ നിയമനവുമായി ബന്ധപ്പെട്ട് രാഷ്ട്രീയ വൃത്തങ്ങളിൽ വലിയ ചർച്ചകൾ നടന്നിരുന്നു. അദ്ദേഹത്തിന് സംഘപരിവാർ ബന്ധമുണ്ടെന്ന ആരോപണവുമായി കോൺഗ്രസ് നേതാവ് നിയാസ് തന്നെ പരസ്യമായി ആരോപിച്ചിരുന്നു. ഭരണമുന്നണിയിൽപ്പോലും ഈ വിഷയത്തിൽ വ്യത്യസ്ത അഭിപ്രായങ്ങൾ നിലനിൽക്കുന്നതിനിടയിലാണ് ഗവർണറുടെ ഈ നിർണായക തീരുമാനം.
Advertisements