ആലപ്പുഴ: കരുമാടി ശുദ്ധീകരണശാലക്ക് വെള്ളം നൽകുന്ന തിരുവല്ല കടപ്ര പമ്പ് ഹൗസിലെ ട്രാൻസ്ഫോമറിൽ പുതിയ ചേഞ്ച് ഓവർ എ.ബി സ്വിച്ച് സ്ഥാപിക്കുന്ന പ്രവർത്തികൾ സാങ്കേതികകാരണങ്ങളാൽ മാറ്റിവെച്ചതിനാൽ ആലപ്പുഴ നഗരസഭയിലും സമീപത്തെ എട്ട് ഒമ്പത് പഞ്ചായത്തിലും ശനിയാഴ്ച ജലവിതരണം മുടങ്ങില്ലെന്ന് വാട്ടർ അതോറിറ്റി അധികൃതർ അറിയിച്ചു. ആലപ്പുഴ നഗരസഭ, തകഴി, പുറക്കാട്, അമ്പലപ്പുഴ തെക്ക്, അമ്പലപ്പുഴ വടക്ക്, പുന്നപ്ര തെക്ക്, പുന്നപ്ര വടക്ക്, ആര്യാട്, മണ്ണഞ്ചേരി, മാരാരിക്കുളം എന്നീ പഞ്ചായത്തുകളിൽ ശനിയാഴ്ച രാവിലെ എട്ട് മുതൽ വൈകീട്ട് ആറുവരെ ജലവിതരണം മുടങ്ങുമെന്നാണ് നേരത്തെ അറിയിച്ചിരുന്നത്. ഷട്ട് ഡൗൺ പ്രവർത്തികൾ മറ്റൊരുദിവസത്തക്ക് മാറ്റിവെച്ചു. പുതുക്കിയതീയതിയും സമയവും പിന്നീട് അറിയിക്കും.
Advertisements