ദക്ഷിണേന്ത്യൻ സിനിമയിലെ പ്രമുഖ സ്റ്റണ്ട് മാസ്റ്റർമാരായ സ്റ്റണ്ട് സില്വ,കലൈ കിംഗ്സണ്, ഫീനിക്സ് പ്രഭു, രാജശേഖരൻ മാസ്റ്റർ, തവസി മാസ്റ്റർ, മാഫിയ ശശി, ജാക്കി ജോണ്സണ് എന്നിവർ ഒന്നിച്ച് ആക്ഷൻ കൊറിയോഗ്രാഫി ചെയ്യുന്ന പ്രത്യേക ചിത്രമാണ് “വരവ്”. വ്യത്യസ്ത ശൈലികളും അനുഭവസമ്പത്തും കൈവശമുള്ള ഈ ഏഴ് മാസ്റ്റർമാരുടെ കൂട്ടായ്മ ചിത്രത്തിന്റെ ആക്ഷൻ രംഗങ്ങള്ക്ക് പുതിയൊരു ദൃശ്യഭാഷ നല്കുന്നു. ഷാജി കൈലാസ് എന്ന ആക്ഷൻ ചിത്രങ്ങളുടെ സംവിധായകനും കൂടിച്ചേരുമ്പോള് പ്രേക്ഷകർക്ക് ”വരവ്’ ഗംഭീരമാകും.
ഓരോ സ്റ്റണ്ട് മാസ്റ്ററും തങ്ങളുടെ പ്രത്യേകതകളിലൂടെ രംഗങ്ങളെ സമ്പന്നമാക്കുന്നു. സ്റ്റണ്ട് സില്വയുടെ ആധുനിക ആക്ഷൻ ഡിസൈൻ, മാഫിയ ശശിയുടെ റിയലിസ്റ്റിക് ഫൈറ്റ് സീക്വൻസുകള്, രാജശേഖർ മാസ്റ്ററുടെ ക്ലാസിക് സ്റ്റണ്ട് ശൈലി, തവസ്സി മാസ്റ്ററുടെ കൃത്യത, ഫീനിക്സ് പ്രഭുവിന്റെ സൃഷ്ടിപരമായ സമീപനം, കലൈ കിംഗ്സന്റെ സ്റ്റൈലിഷ് കൊറിയോഗ്രഫി, ജാക്കി ജോണ്സന്റെ സുരക്ഷാ മാനദണ്ഡങ്ങളോടെയുള്ള സൂക്ഷ്മമായ ആക്ഷൻ രൂപകല്പ്പന എന്നിവ ഒന്നുചേർന്ന് “വരവ്” എന്ന ചിത്രത്തെ വ്യത്യസ്തമാക്കുന്നു. ഹൈറേഞ്ച് മേഖലയുടെ പശ്ചാത്തലത്തില് ഒരുങ്ങുന്ന ബിഗ് ബഡ്ജറ്റ് ചിത്രത്തില് ഈ സ്റ്റണ്ട്മാസ്റ്റർ കൂട്ടായ്മയുടെ മാസ്സ് ആക്ഷനുകള് ആസ്വദിക്കാം.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
മലയാളം, തമിഴ്, തെലുങ്ക്, കന്നഡ തുടങ്ങിയ വിവിധ ഭാഷാ സിനിമകളില് പ്രവർത്തിച്ചിട്ടുള്ള ഈ മാസ്റ്റർമാർ, ഓരോ രംഗത്തിനും കഥാപരിസരത്തിനും കഥാപാത്രങ്ങളുടെ സ്വഭാവത്തിനും അനുയോജ്യമായ രീതിയില് ആക്ഷൻ രൂപകല്പ്പന ചെയ്യുന്നതില് ശ്രദ്ധ കേന്ദ്രീകരിക്കുന്നു. അതിനാല് തന്നെ ചിത്രത്തിലെ ഓരോ ഫൈറ്റ് സീക്വൻസും യാഥാർത്ഥ്യബോധവും ആവേശവും ഒരുപോലെ നല്കുന്നു.
“വരവ്” എന്ന ചിത്രത്തിലെ ആക്ഷൻ രംഗങ്ങള് ഇന്ത്യൻ സിനിമയിലെ സ്റ്റണ്ട് സംവിധാനത്തിന് പുതിയൊരു നിലവാരം നല്കുന്ന അനുഭവമായി മാറുന്നു. ഈ കൂട്ടായ്മ പുതിയ തലമുറയിലെ ആക്ഷൻ കലാകാരന്മാർക്ക് വലിയ പ്രചോദനവുമാകുന്നു. ഇവർ ഒരുമിക്കുന്ന ചിത്രമായതുകൊണ്ടുതന്നെ ‘വരവ് ‘എന്ന ഗംഭീര ആക്ഷൻ ചിത്രം യുവതലമുറയും ആക്ഷൻ ചിത്രങ്ങള് ഏറെ ഇഷ്ടപ്പെടുന്ന പ്രേക്ഷകരും കാത്തിരിക്കുകയാണ്. വോള്ഗാ പ്രൊഡക്ഷൻസിന്റെ ബാനറില് നൈസി റെജിയാണ് ചിത്രം നിർമ്മിക്കുന്നത്. ജൂലൈ 16ന് ശ്രീ ഗോകുലം മൂവീസ് ഇന്ത്യയോട്ടാകെ തീയറ്ററുകളില് എത്തിക്കും. എക്സിക്യുട്ടീവ് പ്രൊഡ്യൂസേഴ്സ് :ജോമി ജോസഫ് പുളിങ്കുന്ന് , രാഹുല് റെജി . ചിത്രത്തിന്റെ ഛായാഗ്രഹണം: എസ്. ശരവണൻ. സംഗീതം: സാം സി.എസ്.എഡിറ്റർ: ഷമീർ മുഹമ്മദ്. കലാസംവിധാനം: സാബു റാം. മേക്കപ്പ്: സജി കാട്ടാക്കട. കോസ്റ്റ്യും ഡിസൈൻ: സമീറ സനിഷ്. .ചീഫ് അസോസിയേറ്റ് ഡയറക്ടർ: സ്യമന്തക് പ്രദീപ്. പ്രൊഡക്ഷൻ ഹെഡ്: റോണ് ഐസക് തോമസ്. പ്രൊഡക്ഷൻ മാനേജേർസ്: ശിവൻ പൂജപ്പുര & അനില് അൻഷാദ്. പ്രൊഡക്ഷൻ എക്സിക്കുട്ടീവ്: പ്രതാപൻ കല്ലിയൂർ, ഷെറിൻ സ്റ്റാൻലി. പ്രൊഡക്ഷൻ കണ്ട്രോളർ: വിനോദ് മംഗലത്ത്. പി ആർ ഓ മഞ്ജു ഗോപിനാഥ്.സ്റ്റില്സ്: ഹരി തിരുമല. ഡിസൈൻസ്: യെല്ലോടൂത്ത്സ് & റോക്കറ്റ് സയൻസ്. മാർക്കറ്റിംഗ്ബ്രിങ്ഫോർത്ത്. ചിത്രത്തിന്റെ ഇന്ത്യയിലെ വിതരണം ശ്രീ ഗോകുലം മൂവീസ്. ഡിസ്ട്രിബൂഷൻ പാർട്ണർ ഡ്രീം ബിഗ് ഫിലിംസ് . ഓവർസീസ് വിതരണം പി എച്ച് എഫ്.