കൊച്ചി : ആനക്കൊമ്പ് കേസില് വിവരങ്ങള് കൈമാറി നടൻ മോഹൻലാല്. തന്റെ കൈവശമുള്ള ആന കൊമ്പിന്റെ വിവരങ്ങള് വനം വകുപ്പിനാണ് മോഹൻലാല് കൈമാറിയത്. വനംവകുപ്പ് പ്രഖ്യാപിച്ച ഒറ്റത്തണ പൊതുമാപ്പ് സംവിധാനം ഉപയോഗിച്ചാണ് നടപടി. മാർച്ചില് മലയാറ്റൂർ ഡിഫ്ഒയ്ക്ക് നല്കിയ അപേക്ഷയില് നടപടി തുടങ്ങി. രണ്ട് ജോഡി ആനക്കൊമ്പുകളും 13 കര കൗശല വസ്തുക്കളുമാണ് ലാലിന്റെ കൈവശമുള്ളത്.
2011 ഡിസംബര് 21ന് ആദായനികുതി വകുപ്പ് നടത്തിയ റെയ്ഡിലാണ് മോഹൻലാലിന്റെ തേവരയിലെ വീട്ടില് നിന്ന് രണ്ട് ജോഡി ആനക്കൊമ്പുകള് കണ്ടെത്തിയത്. ലൈസൻസ് രേഖകള് ഹാജരാക്കാതിരുന്നതോടെ വനംവകുപ്പ് നടനെ പ്രതിയാക്കി കേസെടുത്തു. 2015ല് പെരുമ്പാവൂര് കോടതിയില് കുറ്റപത്രം സമർപ്പിച്ചതിന് പിന്നാലെ കേസ് പിൻവലിക്കാനുളള നടപടിയും അന്നത്തെ സർക്കാർ തുടങ്ങി. ഇതിന് പിന്നാലെ ആനക്കൊമ്പുകള് കൈവശം വയ്ക്കാനുള്ള ലൈസൻസ് നല്കി സർക്കാർ ഉത്തരവിറക്കിയത്. പിന്നീട്, ഈ ലൈസൻസ് ഹൈക്കോടതി റദ്ദാക്കി. സര്ക്കാര് നടപടി ചോദ്യം ചെയ്തുളള ഹർജിയിലായിരുന്നു ഹൈക്കോടതിയുടെ ഉത്തരവ്. ലൈസൻസ് അനുവദിക്കാനുള്ള സർക്കാരിന്റെ നടപടിക്രമങ്ങളില് സാങ്കേതികമായ പിഴവുണ്ടായി എന്നായിരുന്നു കോടതിയുടെ കണ്ടെത്തല്.