126 ലിറ്റർ വിദേശ മദ്യം , 205 ലിറ്റർ കോട: 559 കിലോ കഞ്ചാവ് എം ഡി എം എ : പുതുപ്പള്ളിയിൽ തിരഞ്ഞെടുപ്പിനിടെ പിടിച്ചെടുത്ത ലഹരി വസ്തുക്കൾ ഇവ 

കോട്ടയം: പുതുപ്പള്ളി നിയമസഭാ നിയോജകമണ്ഡലം ഉപ

തെരഞ്ഞെടുപ്പിനോടനുബന്ധിച്ച് മണ്ഡലത്തിന്റെ  പരിധിയിൽ നടത്തിയ പരിശോധനയിൽ ലഹരി വസ്തുക്കൾ പിടിച്ചെടുത്തു. ശനിയാഴ്ച പോലീസ്, ഫ്ളയിംഗ് സ്‌ക്വാഡ്, സ്റ്റാറ്റിക് സർവൈലൻസ് ടീം എന്നിവരുടെ നേതൃത്വത്തിൽ 70.1 ലിറ്റർ മദ്യവും എക്സൈസ് വകുപ്പിന്റെ പരിശോധനയിൽ 56.55 ലിറ്റർ ഇന്ത്യൻ നിർമിത വിദേശമദ്യവും 205 ലിറ്റർ കോടയും പിടിച്ചെടുത്തിട്ടുണ്ട്.  

തെരഞ്ഞെടുപ്പിന്റെ പശ്ചാത്തലത്തിൽ പരിശോധന ശക്തമാക്കിയോടെ 872.88  ലിറ്റർ മദ്യമാണ് പോലീസ്, എക്‌സൈസ്, വിവിധ സ്‌ക്വാഡുകൾ എന്നിവ പിടിച്ചെടുത്തത്. പിടിച്ചെടുത്ത മദ്യത്തിന്റെ മൂല്യം 3,01,686 രൂപയാണ്.

വിവിധ സ്‌ക്വാഡുകളുടെ പരിശോധനയിൽ  559.40 ഗ്രാം കഞ്ചാവ്, ഒരു കഞ്ചാവ് ചെടി, 2.680 ഗ്രാം എം.ഡി.എം.എ, ഒൻപത് കിലോഗ്രാം പുകയില, 48 പാക്കറ്റ് ഹാൻസ്, 2 ഗ്രാം ഹാഷിഷ് ഓയിൽ, 45,420 രൂപ മൂല്യമുള്ള ലഹരി വസ്തുക്കളും പിടികൂടി.