കോട്ടയം ഈരാറ്റുപേട്ടയിൽ സ്വകാര്യ വ്യക്തിയുടെ പുരയിടത്തിൽ അസ്ഥികൂടം കണ്ടെത്തി ; അസ്ഥികൂടം കണ്ടെത്തിയത് ആൾ സഞ്ചാരം കുറഞ്ഞ പ്രദേശത്ത്

ഈരാറ്റുപേട്ട: തലപ്പലം പഞ്ചായത്തിൽ പ്ലാശനാലിൽ സ്വകാര്യ വ്യക്തിയുടെ പുരയിടത്തിൽ സമീപം മനുഷ്യന്റെ അസ്ഥികൂടം കണ്ടെത്തി. സ്വകാര്യ വ്യക്തിയുടെ പുരയിടത്തിൻ്റെ അതിരിൽ ഇന്നു വൈകിട്ട് ആറരയോടെയാണ് അസ്ഥികൂടം കണ്ടെത്തിയത്. ഒറ്റപ്പെട്ട സ്ഥലം ആയതിനാൽ ആൾസഞ്ചാരം കുറവുള്ള ഭാഗത്താണ് അസ്ഥികൂടം കിടന്നത് . പ്രദേശവാസിയായ സ്ത്രീയാണ് ആദ്യം കണ്ടത്. പാല ഡിവൈ.എസ്.പി ഈരാറ്റുപേട്ട എസ്.എച്ച്.ഒ, തുടങ്ങിയവർ സ്ഥലത്തെത്തി അന്വേഷണം ആരംഭിച്ചു. നാളെ കൂടുതൽ അന്വേഷണം നടത്തി നടപടി സ്വീകരിക്കുമെന്ന് പോലീസ് പറഞ്ഞു.