ചോറ്റി: കച്ചവടത്തിനായി കരാറെടുത്ത തോട്ടത്തിലെ റമ്പൂട്ടാൻ മരത്തിൽ വലയിടുന്നതിനിടെ കാൽ വഴുതിവീണ് യുവാവ് മരണപ്പെട്ടു. മുക്കൂർ മുണ്ടൂർ സ്വദേശി സുരേഷ് ലാൽ ആണ് അപകടത്തിൽ മരിച്ചത്.
ഇന്ന് രാവിലെ 10 മണിയോടെ ചോറ്റിയിലാണ് നാടിനെ നടുക്കിയ ദാരുണമായ ഈ അപകടം സംഭവിച്ചത്.
Advertisements
വിൽപ്പനയ്ക്കായി കരാറെടുത്ത റമ്പൂട്ടാൻ തോട്ടത്തിലെ മരത്തിൽ പക്ഷികളിൽ നിന്നും മറ്റും പഴങ്ങൾ സംരക്ഷിക്കുന്നതിനായി വല കെട്ടാൻ കയറിയതായിരുന്നു സുരേഷ് ലാൽ. മരത്തിന് മുകളിൽ ജോലി ചെയ്യുന്നതിനിടെ അബദ്ധത്തിൽ കാൽ വഴുതി താഴേക്ക് വീഴുകയായിരുന്നു. ഉടൻ തന്നെ ആശുപത്രിയിൽ എത്തിക്കാൻ ശ്രമിച്ചെങ്കിലും ജീവൻ രക്ഷിക്കാനായില്ല.