പാറശാല: കെ.എസ്.ഇ.ബി സബ്സ്റ്റേഷന്റെ കോമ്പൗണ്ടിനുള്ളിൽ കയറി യൂണിയൻ പ്രവർത്തകർ കോൺട്രാക്ടറിൽ നിന്ന് 5000 രൂപ നോക്കുകൂലി വാങ്ങിയ സംഭവത്തിൽ വിവാദം. ക്രെയിൻ ഉപയോഗിച്ച് ഇറക്കിവച്ച ലോഡിന് വേണ്ടി തൊഴിലാളികൾക്ക് നേരിട്ട് പങ്കില്ലാത്തതിനിടയിലായിരുന്നു ഈ ‘നോക്കുകൂലി’ ഇടപാട്.പാറശാല ആലമ്പാറയിലെ കെ.എസ്.ഇ.ബി സബ്സ്റ്റേഷന്റെ ശേഷി വർധനവുമായി ബന്ധപ്പെട്ട നവീകരണ പ്രവർത്തനങ്ങളുടെ ഭാഗമായി ഗുജറാത്തിലെ സ്റ്റെൽമെക് കമ്പനി അയച്ച 10 കൺട്രോൾ പാനലുകൾ ആണ് ഇറക്കിയത്. അതീവ സുരക്ഷാ മുൻകരുതലുകൾ ആവശ്യമായതിനാൽ, പാനലുകൾ ക്രെയിൻ ഉപയോഗിച്ച് മാത്രമേ ഇറക്കാവൂവെന്ന ലേബർ കമ്മീഷണറുടെ മുൻകൂർ നിർദ്ദേശമുണ്ടായിരുന്നു.
എന്നാൽ ലോഡ് ഇറക്കുന്നതിനിടെ ദൂരെയിരുന്നു നോക്കിയിരുന്ന യൂണിയൻ പ്രവർത്തകർ നോക്കുകൂലി ആവശ്യപ്പെട്ടതോടെ തർക്കം ഉണ്ടായി. ആദ്യം ഒരു ലക്ഷം രൂപ ആവശ്യപ്പെട്ടതായാണ് റിപ്പോർട്ട്. പ്രശ്നം മൂലം കണ്ടെയ്നർ ലോറി ഒരു ദിവസം മുഴുവൻ കെ.എസ്.ഇ.ബി കോമ്പൗണ്ടിനുള്ളിൽ വന്നു.ലേബർ ഓഫീസർ അല്ലെങ്കിൽ മറ്റ് അധികാരികൾ സ്ഥലത്തെത്താതിരുന്നതിനാൽ, പാറശാല പൊലീസ് ഇടപെട്ടതോടെയാണ് ഒത്തുതീർപ്പ് സാധ്യമായത്. ധാരണപ്രകാരം കോൺട്രാക്ടർ 5000 രൂപ നൽകി പ്രശ്നം തീർപ്പാക്കുകയായിരുന്നു.