മലപ്പുറം: മലപ്പുറത്ത് സ്കൂള്‍ വിദ്യാർത്ഥിക്ക് മർദനമേറ്റ സംഭവത്തില്‍ പരാതി നല്‍കിയിട്ടും പൊലീസ് നടപടി എടുക്കുന്നില്ലെന്ന് പരാതി. താനൂർ തെയ്യാലയില്‍ കഴിഞ്ഞ ഓഗസ്റ്റ് 17ന് പരാതിക്ക് ആധാരമായ സംഭവം നടന്നത്. തെയ്യാല എസ്‌എസ്‌എംഎച്‌എസ് സ്കൂളിലെ പത്താം വിദ്യാർത്ഥിക്ക് ആണ് മർദനമേറ്റത്.
Advertisements
വെള്ളച്ചാല്‍ സിപിഎച്ച്‌എസ്‌എസ് സ്കൂളിലെ മൂന്ന് വിദ്യാർത്ഥികള്‍ ചേർന്ന് മർദിച്ചു എന്നാണ് പൊലീസില്‍ നല്‍കിയ പരാതിയില്‍ പറയുന്നത്. വിദ്യാർഥിയെ ചോദ്യം ചെയ്തും പാട്ട് പാടാൻ പറഞ്ഞും ആയിരുന്നു മർദനം. ഇതിന്റെ ദൃശ്യങ്ങളും പുറത്തുവന്നിരുന്നു. ഈ ദൃശ്യങ്ങള്‍ സഹിതം താനൂർ പൊലീസില്‍ പരാതി നല്‍കിയിട്ടും മർദിച്ചവർക്ക് എതിരെ നടപടി ഇല്ലെന്നാണ് പരാതി.