പാലാ: അമേരിക്കയിലെ മലയാളികളുടെ പ്രമുഖ സംഘടനായ ഫൊക്കാനയുടെ നേതാക്കളെ പാലാ പൗരാവലി ആദരിച്ചു. അമേരിക്കയിലെ മലയാളികളുടെ സംഘടനയായ ഫൊക്കാനോ ജീവകാരുണ പ്രവർത്തനത്തിന് ഉത്തമ മാതൃകയാണെന്നും ‘മലയാളികൾക്ക് നൽകുന്ന നാനാവിധ സേവനങ്ങൾ നിസ്തുലമാണെന്നും മാണി സി കാപ്പൻ പറഞ്ഞു.
ഉന്നത വിദ്യാഭ്യാസം നടത്തുന്ന കുട്ടികൾക്ക് സ്‌കോളർഷിപ്പ് വിതരണം,അപകടങ്ങളിൽ കാലുകൾ നഷ്ടപ്പെട്ടവർക്ക് സൗജന്യമായി കൃത്രിമ കാലുകൾ നൽകുക, നിരവധി കുട്ടികൾക്ക് സൗജന്യമായി നീന്തൽ പരിശീലനം കൊടുക്കുക, തുടങ്ങി സജിമോൻ ആന്റണിയുടെ നേതൃത്വത്തിൽ ഫൊക്കോനോ നടത്തുന്ന മനുഷ്യത്വ സേവനം മാതൃകയാക്കണമെന്നും എം എൽ എ അഭിപ്രായപ്പെട്ടു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പാലാ ഗ്രാന്റ്‌കോർട്യാഡ് ഓഡിറ്റോറിയത്തിൽ വച്ച് ചേർന്ന യോഗത്തിൽ ഫൊക്കാനോ പ്രസിഡിൻറ് സജിമോൻ ആന്റണി, ബോട്ട് ചെയർ ജോജി തോമസ്, ഫൊക്കാന മിഡ് വെസ്റ്റ് റീജിയൺ ആർവിപി സന്തോഷ് നായർ ചൊള്ളാനി എന്നിവർക്ക് നൽകിയ സ്വീകരണം ഉദ്ഘാടനം ചെയ്ത് പ്രസംഗിക്കുകയായിരുന്നു മാണി സി.കാപ്പൻ എം.എൽ.എ.
മുനിസിപ്പൽ ചെയർമാൻ തോമസ് പീറ്റർ അദ്ധ്യക്ഷത വഹിച്ചു. ഫ്രാൻസിസ് ജോർജ് എം.പി.,ജോസ് കെ മാണി എം.പി, മാണി സി കാപ്പൻ എം എൽ എ, ചാണ്ടി ഉമ്മൻ എം.എൽ എ ,കോൺഗ്രസ് രാഷ്ട്രീയ കാര്യസമിതി അംഗം ജോസഫ് വാഴക്കൻ ,ചേർപ്പുങ്കൽമാർ സ്ലീവാ മെഡിസിറ്റി ഓപ്പറേഷൻ ഡയറക്ടർ ഫാ.ഗെർവാസീസ് ആനിത്തോട്ടത്തിൽ, അഡ്വ.കെ.ആർ ശ്രീനിവാസൻ ,ഏ.കെ ചന്ദ്രമോഹൻ, എൻ സുരേഷ്, പ്രൊഫ.സതീശ് ചൊള്ളാനി
നഗരസഭ ആരോഗ്യ കാര്യ സ്റ്റാന്റിംഗ് കമ്മറ്റി ചെയർമാൻ ലിസിക്കുട്ടി മാത്യു, ബിജു പാലൂപ്പടവിൽ, ഷാർലി മാത്യു,ടോമി കുറ്റിയാങ്കൽ,ആനി ബിജോയി, എന്നിവർ പ്രസംഗിച്ചു.
അഡ്വ.സന്തോഷ് മണർകാട്, തോമസ് ആർ വി ജോസ് അഡ്വ.ഷാജി എടേട്ട്, അഡ്വ.അജി ആലപ്പാട്ട്, ബിജോയി എബ്രഹാം തുടങ്ങിയവർ ചടങ്ങുകൾക്ക് നേതൃത്വം നൽകി.