കൊച്ചി:മോഹൻലാല്‍ നായകനായി എത്തിയ ഹിറ്റ് ചിത്രമാണ് ഹൃദയപൂര്‍വം. സത്യൻ അന്തിക്കാട് സംവിധാനം ചെയ്ത ചിത്രം റിലീസിനൊപ്പം തന്നെ പ്രേക്ഷകരുടെ ഹൃദയം കീഴടക്കിയിരുന്നു. ആഗോള ബോക്സ് ഓഫീസിൽ 67.75 കോടി രൂപയാണ് ചിത്രം കളക്ഷൻ നേടിയത്. ഇതിൽ വിദേശ വിപണിയിൽ നിന്ന് മാത്രം 27.85 കോടിയും നേടിയിട്ടുണ്ടെന്ന് ട്രേഡ് അനലിസ്റ്റുകളായ സാക്നിൽക് റിപ്പോര്‍ട്ട് ചെയ്യുന്നു.ഇപ്പോൾ ചിത്രത്തിലെ ‘വിടപറയാം’ എന്ന ഗാനത്തിന്റെ ലിറിക് വീഡിയോ പുറത്തുവന്നിരിക്കുകയാണ്. പ്രേക്ഷകർ സോഷ്യൽ മീഡിയയിൽ ഗാനം സ്വീകരിച്ച് പോസ്റ്റുകൾ പങ്കുവയ്ക്കുകയാണ്.
തിയറ്ററുകളിൽ കോമഡി എലമെന്റുകൾ ഏറെ രസിപ്പിക്കുന്നുവെന്നും, മോഹൻലാൽ–സംഗീത് പ്രതാപ് കൂട്ടുകെട്ട് ചിത്രത്തിന് വലിയൊരു ഹൈലൈറ്റായെന്നും പ്രേക്ഷക പ്രതികരണങ്ങൾ പറയുന്നു. മികച്ച പശ്ചാത്തല സംഗീതവും ഛായാഗ്രാഹണവും സിനിമയുടെ പ്രത്യേക ആകര്‍ഷണങ്ങളായി ചൂണ്ടിക്കാണിക്കപ്പെടുന്നു.ലാലു അലക്സ്, സംഗീത് പ്രതാപ്, മാളവിക മോഹനൻ, സംഗീത, സിദ്ദിഖ്, ബാബുരാജ്, സബിത ആനന്ദ് തുടങ്ങി നിരവധി താരങ്ങൾ ഹൃദയപൂര്‍വ്വംയിലെന്നപോലെ ഒന്നിക്കുന്നു. ആശിർവാദ് സിനിമാസും സത്യൻ അന്തിക്കാടും ഒന്നിക്കുന്ന അഞ്ചാമത്തെ ചിത്രമാണിത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
2015-ൽ പുറത്തിറങ്ങിയ എന്നും എപ്പോഴും എന്ന ചിത്രത്തിന് ശേഷമാണ് മോഹൻലാൽ–സത്യൻ അന്തിക്കാട് കൂട്ടുകെട്ട് വീണ്ടും പ്രേക്ഷകർക്ക് മുന്നിലെത്തുന്നത് എന്ന പ്രത്യേകതയും ചിത്രത്തിനുണ്ട്.സത്യൻ അന്തിക്കാടിന്റെ മക്കളായ അഖിൽ സത്യനും അനൂപ് സത്യനും ഹൃദയപൂര്‍വ്വം ചിത്രത്തിൽ സഹകരിക്കുന്നുണ്ട്. കഥ ഒരുക്കിയത് അഖിൽ സത്യനാണ്. തിരക്കഥ നവാഗതനായ ടി.പി. സോനുവാണ് എഴുതിയത്. അനൂപ് സത്യൻ ചിത്രത്തിന്‍റെ പ്രധാന സംവിധാന സഹായിയാണ്. അനു മൂത്തേടത്ത് ഛായാഗ്രഹണം നിർവ്വഹിച്ചപ്പോൾ, കെ. രാജഗോപാല്‍ എഡിറ്റിംഗ് നിര്‍വ്വഹിച്ചു.
ഗാനരചന: മനു മഞ്ജിത്ത്, സംഗീതം: ജസ്റ്റിൻ പ്രഭാകർ, കലാസംവിധാനം: പ്രശാന്ത് നാരായണൻ, മേക്കപ്പ്: പാണ്ഡ്യൻ, കോസ്റ്റ്യൂം: സമീറ സനീഷ്. സഹസംവിധാനം: ആരോൺ മാത്യു, രാജീവ് രാജേന്ദ്രൻ, വന്ദന സൂര്യ, ശ്രീഹരി. പ്രൊഡക്ഷൻ മാനേജർ: ആദർശ്, പ്രൊഡക്ഷൻ എക്സിക്യൂട്ടീവ്: ശ്രീക്കുട്ടൻ, പ്രൊഡക്ഷൻ കണ്‍ട്രോളർ: ബിജു തോമസ്. സ്റ്റിൽസ്: അമൽ സി. സദർ എന്നിവരാണ് ഗാനരചനക്ക് നേതൃത്വം വഹിച്ചവർ.