ചിത്രം : സി.ബി.എസ്.ഇ കോട്ടയം സെൻട്രൽ സഹോദയ സംഘടിപ്പിക്കുന്ന ഭാവസുധ 2025 കലാമേള ദേവലോകം മാർ ബസേലിയോസ് പബ്ലിക് സ്ക്കൂളിൽ സംവിധായൻ ജയരാജ് ഉദ്ഘാടനം ചെയ്യുന്നു.
കോട്ടയം : സി ബി എസ് ഇ സ്കൂളുകളുടെ സംഘടനയായ കോട്ടയം സെൻട്രൽ സഹോദയയുടെ ആഭിമുഖ്യത്തിൽ നടത്തിവരുന്ന ‘ഭാവസുധ 2025’ കലാമത്സരങ്ങൾക്കു ദേവാലയകം മാർ ബസേലിയോസ് പബ്ലിക് സ്കൂളിൽ തിരിതെളിഞ്ഞു. സംവിധായകൻ ജയരാജ് രണ്ടു ദിവസം നീണ്ടുനിൽക്കുന്ന കലാമത്സരങ്ങൾ ഉദ്ഘാടനം ചെയ്തു. നിർമ്മിത ബുദ്ധിയുടെ കാലഘട്ടത്തിൽ അധ്വാനമോ കഴിവോ ഇല്ലെങ്കിലും ആർക്കും ഇഷ്ടമുള്ളതെല്ലാം മെനഞ്ഞെടുക്കാൻ സമസ്ത മേഖലകളിലും സാങ്കേതിക വിദ്യ വികസിച്ചു കഴിഞ്ഞു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
പക്ഷെ നന്മയും കരുണയും സഹാനുഭൂതിയും ഒക്കെ നഷ്ടപ്പെട്ടുപോകുന്ന കേവല കൃത്രിമ സൃഷ്ടികൾ സമൂഹത്തിനു ഗുണം ചെയ്യില്ലെന്ന് അദ്ദേഹം പറഞ്ഞു. സൗജന്യമായി ലഭിക്കുന്ന പലതിനോടും നോ എന്ന് പറയാൻ കുട്ടികൾ ശീലിക്കണം .അതിൽ ഒളിഞ്ഞിരിക്കുന്ന കെണികൾ കുട്ടികൾ തിരിച്ചറിയാതെ പോകരുതെന്നും അദ്ദേഹം കൂട്ടിച്ചേർത്തു. കോട്ടയം സെൻട്രൽ സഹോദയ രക്ഷാധികാരി രഞ്ജിത്ത് രാജൻ, മാർ ബസേലിയോസ് പബ്ലിക് സ്കൂൾ അഡ്മിനിസ്ട്രേറ്റർ ഫാ. സജി യോഹന്നാൻ , പ്രിൻസിപ്പൽ നിനി എബ്രഹാം, ബേക്കർ വിദ്യാപീഡ് പ്രിൻസിപ്പാൾ ഡോ. ബസ്സി എ.വർക്കി തുടങ്ങിയവർ പ്രസംഗിച്ചു. 1500-ൽപ്പരം കുട്ടികൾ മാറ്റുരയ്ക്കുന്ന കലാമത്സരങ്ങൾ നാളെ സെപ്റ്റംബർ 20 ശനിയാഴ്ച സമാപിക്കും.