കൊച്ചി : ലോക ഫുട്ബോള് ചാമ്ബ്യൻമാരായ അർജന്റീനയുടെ ഇന്ത്യൻ പര്യടനം സംബന്ധിച്ച് അനിശ്ചിതത്വങ്ങള് അവസാനിക്കുന്നു.ഏറെക്കാലമായി ഇന്ത്യൻ ഫുട്ബോള് ആരാധകർ ഉറ്റുനോക്കുന്ന അർജന്റീനയുടെ കേരളത്തിലെസൗഹൃദ മത്സരത്തിന് കളമൊരുങ്ങുന്നുവെന്നതാണ് ഏറ്റവും പുതിയ വിവരം. അര്ജന്റീന ടീമിനൊപ്പം സൗഹൃദ മത്സരത്തിനെത്തുന്നത് ഓസ്ട്രേലിയ ആകുമെന്നാണ് ഏറ്റവും പുതിയ റിപ്പോര്ട്ട്. ഓസ്ട്രേലിയയും സ്പോണ്സറും കരട് കരാർ കൈമാറിയതോടെയാണ് ഇക്കാര്യത്തില് സ്ഥിരീകരണമായത്.
ലോക റാങ്കിംഗില് 25-ാം സ്ഥാനത്തുള്ള ഓസ്ട്രേലിയയാണ് അർജന്റീനയുടെ എതിരാളിയാകാൻ സാധ്യത കൂടുതല്. ഈ രണ്ട് ടീമുകളും ഖത്തർ ലോകകപ്പില് ഏറ്റുമുട്ടിയിരുന്നു. അന്ന് 2-1-ന് അർജന്റീന ആവേശകരമായ വിജയം നേടി. ലയണല് മെസ്സിയുടെ മനോഹരമായ ഗോളും ജൂലിയൻ അല്വാരസിന്റെ ഗോളും അർജന്റീനയ്ക്ക് നിർണ്ണായകമായി. കളിയവസാനിക്കാൻ 10 മിനിറ്റ് മാത്രം ബാക്കിയുള്ളപ്പോള് എൻസോ ഫെർണാണ്ടസിന്റെ ഒരു മറുപടി ഗോളും പിറന്നു. നവംബർ 15-ന് അർജന്റീന ടീം കൊച്ചിയിലെത്തുമെന്നാണ് പ്രതീക്ഷിക്കുന്നത്. നവംബർ 15-നും 18-നും ഇടയിലാകും മത്സരം നടക്കുക. ഒരാഴ്ച മുൻപ് ഏഷ്യൻ ഫുട്ബോള് ഫെഡറേഷന്റെ സെക്യൂരിറ്റി ഓഫീസർ സ്റ്റേഡിയം സന്ദർശിച്ച് സുരക്ഷാ ക്രമീകരണങ്ങള് വിലയിരുത്തിയിരുന്നു. ഈ നീക്കങ്ങള്ക്കെല്ലാം പിന്നാലെയാണ് അർജന്റീന ടീം മാനേജർ നേരിട്ട് കൊച്ചിയിലേക്ക് എത്തിയത്. ഇതോടെ ലയണല് മെസ്സിയും ലോക ചാമ്ബ്യൻമാരായ ടീമും ഇന്ത്യയില് എത്തുമെന്ന ഫുട്ബോള് പ്രേമികളുടെ കാത്തിരിപ്പ് യാഥാർഥ്യത്തോട് കൂടുതല് അടുത്തു.