വെടിക്കെട്ട് ബാറ്റിങ്ങിന് പിന്നാലെ ശിഷ്യനെ കളിയാക്കി യുവരാജ് സിംങ്ങ് ; പൊട്ടിച്ചിരിച്ച് ആരാധകർ

ന്യൂഡൽഹി : ഇന്ത്യൻ ക്രിക്കറ്റിലെ ഇതിഹാസ താരം യുവ്‌രാജ് സിംഗ് തന്റെ ശിഷ്യനായ അഭിഷേക് ശർമയെ കളിയാക്കി സോഷ്യല്‍ മീഡിയയില്‍ പങ്കുവച്ച കുറിപ്പ് ആരാധകരെ പൊട്ടിച്ചിരിപ്പിച്ചു.

ന്യൂസിലാൻഡിനെതിരായ മൂന്നാം ടി20 അന്താരാഷ്ട്ര മത്സരത്തില്‍ അഭിഷേക് വെറും 14 പന്തില്‍ അർധസെഞ്ചുറി നേടിയെങ്കിലും, യുവ്‌രാജിന്റെ 12 പന്തില്‍ 50 എന്ന ലോക റെക്കോർഡ് മറികടക്കാൻ സാധിക്കാതിരുന്നതാണ് ട്രോളിന്റെ കാരണം.

ഗുവാഹത്തി ബർസാപാര ക്രിക്കറ്റ് സ്റ്റേഡിയത്തില്‍ നടന്ന മത്സരത്തില്‍ 154 റണ്‍സ് വിജയലക്ഷ്യം പിന്തുടർന്ന ഇന്ത്യയ്ക്ക് അഭിഷേകിന്റെ ബാറ്റിംഗ് പ്രകടനം നിർണായകമായി. 20 പന്തില്‍ 68 റണ്‍സ് നേടി പുറത്താകാതെ നിന്ന അഭിഷേക്, ഇന്ത്യൻ ബാറ്റിംഗ് നിരക്ക് മികച്ച തുടക്കമാണ് നല്‍കിയത്.