ചെന്നൈ : തൃഷ കൃഷ്ണനും വിജയിയുമാണ് കഴിഞ്ഞ രണ്ട് ദിവസമായി വാർത്തകളില് നിറയുന്നത്. ഇത്രയും നാള് എപ്പോഴും വരാറുള്ള ഒരു ഗോസിപ്പ് പോലെയായിരുന്നു തൃഷ-വിജയ് റിലേഷൻഷിപ്പ് റൂമറുകളെ സിനിമാപ്രേമികള് സ്വീകരിച്ചിരുന്നത്.കാര്യങ്ങള് മാറി മറിഞ്ഞത് നടന്റെ ഭാര്യ സംഗീത വിവാഹമോചനം ആവശ്യപ്പെട്ട് കോടതിയെ സമീപിച്ചതോടെയാണ്. പ്രമുഖ നടിയുമായുള്ള വിജയിയുടെ വഴിവിട്ട ബന്ധമാണ് ബന്ധം വേർപിരിയാൻ തന്നെ പ്രേരിപ്പിച്ച പ്രധാന ഘടകമെന്ന് വിവാഹമോചന ഹർജിയില് സംഗീത വ്യക്തമാക്കുന്നു.
ആ നടി തൃഷയാണെന്നത് സംഗീത ഹർജിയില് പറയുന്ന ചില കാരണങ്ങള് പരിശോധിക്കുമ്പോള് വ്യക്തമാകും. ഇരുപത് വർഷത്തില് ഏറെയായി തെന്നിന്ത്യൻ സിനിമയില് നായികയായി തിളങ്ങി നില്ക്കുന്ന തൃഷയുടെ ജീവിതത്തില് ഇതിന് മുമ്പും പ്രണയങ്ങള് സംഭവിച്ചിട്ടുണ്ട്. പക്ഷെ അവയൊന്നും വിവാഹത്തിലേക്ക് എത്തിയില്ല. നാല്പ്പത്തിരണ്ടിലേക്ക് എത്തിയിട്ടും നടി സിംഗിള് ലൈഫ് നയിക്കുന്നതിനെ കുറിച്ച് കുറച്ച് നാളുകള്ക്ക് മുമ്പ് അഭിമുഖത്തില് ചോദ്യം ഉയർന്നിരുന്നു. വിവാഹത്തെ കുറിച്ചുള്ള ചോദ്യത്തിന് തഗ് ലൈഫ് എന്ന സിനിമയുടെ പ്രമോഷന് എത്തിയപ്പോഴാണ് നടി മറുപടി നല്കിയത്. വിവാഹം എന്ന സങ്കല്പ്പത്തില് താൻ വിശ്വസിക്കുന്നില്ലെന്ന് തൃഷ വ്യക്തമാക്കി. വിവാഹത്തില് ഞാൻ വിശ്വസിക്കുന്നില്ല.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അത് സംഭവിച്ചാലും കുഴപ്പമില്ല. അങ്ങനെ സംഭവിച്ചില്ലെങ്കിലും അത് എന്നെ ഒരു തരത്തിലും ബാധിക്കുന്നില്ല എന്നായിരുന്നു തൃഷയുടെ വാക്കുകള്. വിജയിയുമായി തൃഷ പ്രണയത്തിലാണെന്ന റൂമറുകള് പ്രചരിക്കുന്നതിന് ഇടയില് കുറച്ച് മാസം മുമ്പ് തൃഷ വിവാഹിതയാകാൻ ഒരുങ്ങുന്നുവെന്ന തരത്തില് സാമൂഹികമാധ്യമങ്ങളില് അഭ്യൂഹങ്ങളുണ്ടായിരുന്നു.
ചണ്ഡീഗഢില് നിന്നുള്ള വ്യവസായിയാണ് വരന് എന്നായിരുന്നു റിപ്പോർട്ടുകള്. പിന്നാലെ പ്രചരിക്കുന്ന റിപ്പോർട്ടുകളില് തൃഷ തന്നെ പ്രതികരിച്ച് എത്തി. മറ്റുള്ളവർ എൻ്റെ ജീവിതം എനിക്ക് വേണ്ടി പ്ലാൻ ചെയ്യുന്നത് ഇഷ്ടമാണ്. അവർ എൻ്റെ ഹണിമൂണ് കൂടി പ്ലാൻ ചെയ്യാനായി കാത്തിരിക്കുകയാണ് എന്നായിരുന്നു ആ വിവാഹ വാർത്ത തള്ളി തൃഷ ഇൻസ്റ്റഗ്രാമില് കുറിച്ചത്.
ശരിയായ വ്യക്തി വരുമ്പോള് ശരിയായ സമയത്ത് വിവാഹമുണ്ടാവുമെന്നും നടി പ്രതികരിച്ചിരുന്നു. പതിനൊന്ന് വർഷം മുമ്പ് അതായത് 2015ല് തൃഷയുടെ വിവാഹനിശ്ചയം നടന്നിരുന്നു. വ്യവസായിയും നിര്മാതാവുമായ വരുണ് മണിയനുമായിട്ടുള്ള നടിയുടെ ആഢംബര എൻഗേജ്മെന്റിന്റെ ഫോട്ടോകളും വൈറലായിരുന്നു. പക്ഷെ വിവാഹത്തില് എത്തും മുമ്പ് അത് തകർന്നു.
വിവാഹശേഷം തൃഷ അഭിനയം തുടരുന്നതുമായി ബന്ധപ്പെട്ട അഭിപ്രായവ്യത്യാസമാണ് ബന്ധം ഉപേക്ഷിക്കുന്നതിലേക്ക് നയിച്ചതെന്നാണ് അന്ന് പ്രചരിച്ചത്. മാത്രമല്ല സിനിമയിലെ ധനുഷ് ഉള്പ്പടെയുള്ള നായകന്മാരുമായി തൃഷയ്ക്കുള്ള സൗഹൃദവും വരുണ് വിവാഹത്തില് നിന്നും പിന്മാറാൻ മറ്റൊരു കാരണമായും പറയപ്പെടുന്നു. ധനുഷിനെ തന്റെ വിവാഹനിശ്ചയത്തിന് തൃഷ ക്ഷണിച്ചുവെന്നും വരുണിന് അത് സഹിക്കാൻ കഴിഞ്ഞില്ലെന്നും അതിന്റെ പേരില് വലിയൊരു വഴക്ക് പൊട്ടിപ്പുറപ്പെട്ടുവെന്നും അന്ന് റിപ്പോർട്ടുകള് വന്നിരുന്നു.
അതുപോലെ ഒരു സമയത്ത് തൃഷയും ബാഹുബലി താരം റാണാ ദഗുബാട്ടിയും പ്രണയത്തിലായിരുന്നു. ഇവർ എപ്പോഴാണ് പ്രണയത്തിലായത് എന്ന് ഔദ്യോഗികമായി ഒരിക്കലും സ്ഥിരീകരിച്ചിട്ടില്ല. എന്നാല് സോഷ്യല് മീഡിയയിലെ പോസ്റ്റുകളും പൊതുവേദികളിലെ ഒരുമിച്ചുള്ള സാന്നിധ്യവും ഇവർ തമ്മില് പ്രണയത്തിലാണോ എന്ന സംശയം ആരാധകരില് ഉണ്ടാക്കി.
റിപ്പോർട്ടുകള് പ്രകാരം തൃഷയും റാണയും വർഷങ്ങളോളം പ്രണയത്തിലായിരുന്നു. പിന്നീട് പൊരുത്തക്കേടുകള് കാരണം വേർപിരിഞ്ഞുവെന്നാണ് പറയപ്പെടുന്നത്. വേർപിരിഞ്ഞതിന് ശേഷം റാണ ഒരിക്കല് തൃഷയെ കുറിച്ച് സംസാരിച്ചിരുന്നു.
തൃഷ വർഷങ്ങളോളം ഏറ്റവും അടുത്ത സുഹൃത്തായിരുന്നു എന്നാണ് നടൻ പറഞ്ഞത്. തൃഷയുമായി റിലേഷൻഷിപ്പിലായിരിക്കെ നടി ബിപാഷ ബസുവുമായി റാണ അടുത്തിരുന്നുവത്രെ. അതാണ് തൃഷയുമായുള്ള പ്രണയം തകരാൻ കാരണമെന്നും പറയപ്പെടുന്നു. പിന്നീട് 2020ല് റാണ മിഹീഖ ബജാജിനെ വിവാഹം ചെയ്തു.