ആസ്റ്റർ ഗാർഡിയൻസ് ഗ്ലോബൽ നഴ്സിംഗ് അവാർഡ് 2026ന് ലഭിച്ച 134,000ലധികം രജിസ്ട്രേഷനുകളിൽ നിന്ന് മികച്ച 10 ഫൈനലിസ്റ്റുകളെ പ്രഖ്യാപിച്ചു ; മികച്ച 10 ഫൈനലിസ്റ്റുകളിൽ ഒരാൾക്ക് ഗ്രാൻഡ് പ്രൈസായ 250,000 യുഎസ് ഡോളറും, ശേഷിക്കുന്ന ഫൈനലിസ്റ്റുകൾക്ക് ആഗോള അംഗീകാരവും മറ്റ് സമ്മാനങ്ങളും ലഭിക്കും : ഇത്തവണ 214 രാജ്യങ്ങളിൽ നിന്നായി നഴ്സുമാരിൽ നിന്ന് 134,000 രജിസ്ട്രേഷനുകളാണ് ലഭിച്ചത്. മുൻ പതിപ്പിനേക്കാൾ ശ്രദ്ധേയമായ വർദ്ധനയാണ് രജിസ്ട്രേഷനിൽ ഉണ്ടായിരിക്കുന്നത്. 199 രാജ്യങ്ങളിൽ നിന്ന് 100,000 + എൻട്രികളാണ് കഴിഞ്ഞ വർഷമുണ്ടായിരുന്നത്.

ലോകമെമ്പാടുമുള്ള രോഗികളുടെ പരിചരണം, പുതുമ, ഗവേഷണം, സാമൂഹിക ആരോഗ്യം എന്നിവയിലുടനീളം മികച്ച സ്വാധീനം ചെലുത്തുന്ന നഴ്സുമാരെ അഞ്ചാം പതിപ്പും എടുത്തുകാണിക്കുന്നു.

കൊച്ചി : അന്താരാഷ്ട്ര നഴ്സസ് ദിനത്തോടനുബന്ധിച്ച്, 214 രാജ്യങ്ങളിലെ 134,000 രജിസ്ട്രേഷനുകളിൽ നിന്ന് തിരഞ്ഞെടുത്ത ആസ്റ്റർ ഗാർഡിയൻസ് ഗ്ലോബൽ നഴ്സിംഗ് അവാർഡ് 2026 ന്റെ അഞ്ചാം പതിപ്പിനുള്ള മികച്ച 10 ഫൈനലിസ്റ്റുകളെ ആസ്റ്റർ ഡിഎം ഹെൽത്ത് കെയർ പ്രഖ്യാപിച്ചു. 199 രാജ്യങ്ങളിൽ നിന്ന് 100,000 + രജിസ്ട്രേഷനുകൾ ലഭിച്ച മുൻ പതിപ്പിനേക്കാൾ ഗണ്യമായ വർദ്ധനയാണ് രജിസ്ട്രേഷനിൽ ഇത്തവണ രേഖപ്പെടുത്തിയത്. ഇത് ഈ പുരസ്കാരത്തിന്റെ ആഗോള സ്വീകാര്യതയും വളർച്ചയും ആഗോള പങ്കാളിത്തവും പ്രതിഫലിപ്പിക്കുന്നു.

അവാർഡിന്റെ സ്വതന്ത്ര ‘പ്രോസസ് അഡ്വൈസർമാർ’ ഏൺസ്റ്റ് & യംഗ് എൽഎൽപിയാണ്. യോഗ്യതാ പരിശോധന, വിദഗ്ധരുടെ ഒരു സ്വതന്ത്ര പാനലിന്റെ വിലയിരുത്തൽ, ഒരു വിശിഷ്ട ഗ്രാൻഡ് ജൂറിയുടെ അന്തിമ അവലോകനം എന്നിവ ഉൾപ്പെടുന്ന കർശനമായ ഘട്ടങ്ങളിലുള്ള മൂല്യനിർണ്ണയ പ്രക്രിയയിലൂടെയാണ് ഫൈനലിസ്റ്റുകളെ തിരഞ്ഞെടുത്തത്.

മികച്ച 10 ഫൈനലിസ്റ്റുകളിൽ ഒരാൾക്ക് ഗ്രാൻഡ് ടൈറ്റിലും 250,000 യുഎസ് ഡോളർ സമ്മാനവും നൽകും, ബാക്കിയുള്ള ഫൈനലിസ്റ്റുകൾക്ക് ആരോഗ്യ സംരക്ഷണത്തിന് നൽകിയ മികച്ച സംഭാവനകൾക്ക് ആഗോള അംഗീകാരവും മറ്റ് സമ്മാനങ്ങളും ലഭിക്കും.

2026 ലെ മികച്ച 10 ഫൈനലിസ്റ്റുകളിൽ ഉൾപ്പെടുന്നവർ– 1. ഡോ. അഗിമോൾ പ്രദീപ് (കിംഗ്സ് കോളേജ് ഹോസ്പിറ്റൽ ആൻഡ് യൂണിവേഴ്സിറ്റി ഓഫ് സാൽഫോർഡ്, യുണൈറ്റഡ് കിംഗ്ഡം), 2. ഡോ. ഐഡ അൽകൈസി (ഇൻഡിപെൻഡന്റ് കൺസൾട്ടന്റ്, സ്വീഡൻ) 3. ദിനാ സെവില്ല (കിംഗ് സൗദ് യൂണിവേഴ്സിറ്റി മെഡിക്കൽ സിറ്റി-കിംഗ് ഖാലിദ് യൂണിവേഴ്സിറ്റി ഹോസ്പിറ്റൽ, ദി കിംഗ്ഡം ഓഫ് സൗദി അറേബ്യ), 4. ഡോ. ഹമ്മോഡ അബു-ഒഡാ (ഹോങ്കോംഗ് യൂണിവേഴ്സിറ്റി, ഹോങ്കോംഗ് എസ്എആർ, ചൈന), 5. ഹിന്ദുംബി കൌരോം കക്കഡ (ഗവൺമെന്റ് ഇന്ദിരാഗാന്ധി ഹോസ്പിറ്റൽ കവരത്തി, ഇന്ത്യ), 6. ജോഹാന പട്രീഷ്യ ഗാൽവൻ ബാരിയോസ് (യൂണിവേഴ്സിറ്റി ഓഫ് കോസ്റ്റ് കോർപ്പറേഷൻ (സിയുസി) കൊളംബിയ), 7. ജോസഫൈൻ നെലാഗോ അംഗുല (ബെറ്റെസ്ഡ മെഡിക്കൽ സെന്റർ, നമീബിയ) , 8. ഒലുച്ചി ഏഞ്ചൽ ഒകോയി (വിമൻ അറ്റ് റിസ്ക് ഇന്റർനാഷണൽ ഫൗണ്ടേഷൻ, നൈജീരിയ), 9. പീറ്റർ ഫോറെ (പോർട്ട് മോറെസ്ബി ജനറൽ ഹോസ്പിറ്റൽ ആൻഡ് പാപുവ ന്യൂ ഗിനിയ ഓൺകോളജി അസോസിയേഷൻ, പാപുവ ന്യൂ ഗിനിയ 10. റൊണാൾഡ് മരിയോ കനാസ് റോജാസ് (ഓങ്കോയിഡാഡോ ആൻഡ് യൂണിവേഴ്സിഡാഡ് ഡെൽ ഏരിയ ആൻഡിന, കൊളംബിയ) എന്നീ മികച്ച 10 ഫൈനലിസ്റ്റുകളെക്കുറിച്ച് കൂടുതലറിയാൻ, ദയവായി സന്ദർശിക്കുക https://www.asterguardians.com /

“നഴ്സുമാരുടെ പങ്ക് പരിചരണത്തിനപ്പുറത്തേക്ക് വ്യാപിക്കുകയാണ്. അവരുടെ പ്രതിബദ്ധത, അർപ്പണബോധം, അനുകമ്പ എന്നിവ അവരെ ലോകമെമ്പാടുമുള്ള ആരോഗ്യസംരക്ഷണ സംവിധാനങ്ങളുടെ നട്ടെല്ലായി മാറ്റുന്നതായും ആസ്റ്റർ ഡിഎം ഹെൽത്ത് കെയർ സ്ഥാപക ചെയർമാൻ ഡോ. ആസാദ് മൂപ്പൻ പറഞ്ഞു. ആരോഗ്യ സംവിധാനത്തിലെ വിടവുകൾ തിരിച്ചറിയുകയും പുതുമകൾ നയിക്കുകയും ആരോഗ്യപരിപാലന പ്രൊഫഷണലുകളുടെ തലമുറയെ ഉപദേശിക്കുകയും ചെയ്യുന്ന ആദ്യ വ്യക്തികളാണ് അവർ. ഇതാണ് അവരുടെ സംഭാവനകളെ അനിവാര്യവും പരിവർത്തനപരവുമാക്കുന്നതെന്നും അദ്ദേഹം വ്യക്തമാക്കി.

214 രാജ്യങ്ങളിൽ നിന്നും 134,000-ത്തിലധികം രജിസ്ട്രേഷനുകളുള്ള ഈ വർഷത്തെ അ‍ഞ്ചാം പതിപ്പിന് ലഭിക്കുന്ന മികച്ച പ്രതികരണം പുരസ്കാരത്തിന്റെ സ്വാധീനത്തിന്റെ വ്യാപ്തിയും പ്രാധാന്യവും പ്രതിഫലിപ്പിക്കുന്നു. ഈ മികച്ച 10 ഫൈനലിസ്റ്റുകളെ അംഗീകരിക്കുന്നത് ഒരു ബഹുമതിയാണ്, അവരുടെ പ്രവർത്തനങ്ങൾ പലപ്പോഴും ഏറ്റവും വെല്ലുവിളി നിറഞ്ഞ ആരോഗ്യ സംരക്ഷണ പരിതസ്ഥിതികളിൽ അർത്ഥവത്തായ മാറ്റത്തിന് കാരണമാകുന്നതായും ഡോ. ആസാദ് മൂപ്പൻ കൂട്ടിച്ചേർത്തു.

“ഈ വർഷത്തെ ഏറ്റവും പ്രചോദനകരമായ കാര്യം, ഈ അംഗീകാരത്തിനോട് നഴ്സുമാർ എത്രത്തോളം സ്വാധീനം ചെലുത്തുന്നുവെന്നത് മാത്രമല്ല, ഭാവിയിലേക്കുള്ള ശേഷി സജീവമായി വർദ്ധിപ്പിക്കുകയും ടീമുകളെ ഉപദേശിക്കുകയും സംവിധാനങ്ങൾ ശക്തിപ്പെടുത്തുകയും വ്യക്തിഗത റോളുകൾ മറികടക്കുന്ന ചട്ടക്കൂടുകൾ സൃഷ്ടിക്കുകയും ചെയ്യുന്നു എന്നതാണെന്നും ആസ്റ്റർ ഡിഎം ഹെൽത്ത് കെയർ ജിസിസി മാനേജിംഗ് ഡയറക്ടറും ഗ്രൂപ്പ് സിഇഒയുമായ അലീഷ മൂപ്പൻ പറഞ്ഞു. മികച്ച 10 ഫൈനലിസ്റ്റുകൾ സുസ്ഥിരത, വ്യാപ്തി, ദീർഘകാല സ്വാധീനം എന്നിവയിൽ ശ്രദ്ധ കേന്ദ്രീകരിക്കുന്ന നഴ്സിംഗ് നേതൃത്വത്തിന്റെ ഒരു തലമുറയെ പ്രതിനിധീകരിക്കുന്നുവെന്നും അവർ വ്യക്തമാക്കി.

ബോട്സ്വാന ഓപ്പൺ യൂണിവേഴ്സിറ്റിയിലെ ചാൻസലർ പ്രൊഫസർ ഷീല ട്ലോ, ആഫ്രിക്കൻ ലീഡേഴ്സ് മലേറിയ അലയൻസ് (ബോട്സ്വാന) പ്രത്യേക അംബാസഡറും ബോട്സ്വാനയിലെ മുൻ ആരോഗ്യമന്ത്രിയുമായ പ്രൊഫസർ ജെയിംസ് ബുച്ചൻ, സിഡ്നിയിലെ ടെക്നോളജി സർവകലാശാലയിലെ ഡബ്ല്യുഎച്ച്ഒ സഹകരണ കേന്ദ്രത്തിലെ അഡ്ജങ്ക്റ്റ് പ്രൊഫസറും ഹെൽത്ത് ജേണലിലെ ഹ്യൂമൻ റിസോഴ്സസ് എമെറിറ്റസ് എഡിറ്ററുമായ ഡോ. പീറ്റർ കാർട്ടർ, ഒബിഇ അവാർഡ് ജേതാവും സെൻട്രൽ ആൻഡ് നോർത്ത് വെസ്റ്റ് ലണ്ടൻ എൻഎച്ച്എസ് ട്രസ്റ്റിന്റെയും റോയൽ കോളേജ് ഓഫ് നഴ്സിംഗിന്റെയും (യുകെ) മുൻ സിഇഒയും ഇന്റർനാഷണൽ ഡയബറ്റിസ് ഫെഡറേഷൻ ഗ്ലോബലിന്റെ പ്രസിഡന്റായി തിരഞ്ഞെടുക്കപ്പെട്ട ഡോ. നിതി പാൽ, ഇന്റർനാഷണൽ ഡയബറ്റിസ് ഫെഡറേഷൻ ഗ്ലോബലിന്റെ പ്രസിഡന്റായി തിരഞ്ഞെടുക്കപ്പെട്ട, ആക്സ എസെൻഷ്യൽ (ഫ്രാൻസ്) സീനിയർ കൺസൾട്ടന്റും, ഏഷ്യ ഹെൽത്ത് കെയർ ഹോൾഡിംഗ്സ് എക്സിക്യൂട്ടീവ് ചെയർമാനും ടിപിജി ഗ്രോത്തിലെ സീനിയർ ഉപദേഷ്ടാവും നിയോനേറ്റ്സ് ഫൌണ്ടേഷൻ ഓഫ് ഇന്ത്യയുടെ ജനറൽ കൌൺസിൽ അംഗവുമായ വിശാൽ ബാലി എന്നിവർ ഉൾപ്പെടുന്ന ആഗോള ആരോഗ്യ സംരക്ഷണ രംഗത്തെ നേതൃമുഖങ്ങളായ പ്രമുഖ ഗ്രാൻഡ് ജൂറി അംഗങ്ങൾ. മികച്ച 10 ഫൈനലിസ്റ്റുകളുമായി ഈ ജൂറി അംഗങ്ങൾ അവസാന റൗണ്ടിൽ സംവദിക്കും.

2026 ജൂലൈയിൽ ഇന്ത്യയിൽ നടക്കുന്ന പ്രൗഢഗംഭീരമായ ചടങ്ങിലായിരിക്കും അന്തിമ വിജയിയെ പ്രഖ്യാപിക്കുക.