മലയാളികൾക്ക് പ്രിയപ്പെട്ട അവതാരകയും അഭിനേത്രിയുമാണ് അശ്വതി ശ്രീകാന്ത്. സോഷ്യൽ മീഡിയയിൽ സജീവമായ അശ്വതി തന്റെ വിശേഷങ്ങൾ ആരാധകരുമായി പങ്കുവെയ്ക്കാറുണ്ട്. മൂത്ത മകൾ പത്മ തനിക്കു നൽകിയ പിറന്നാൾ സമ്മാനത്തെക്കുറിച്ചാണ് അശ്വതിയുടെ പുതിയ വിശേഷം.
”മാസങ്ങൾക്ക് മുന്നേ പത്മ പറയുന്നതാണ് അമ്മയുടെ ബർത്ത്ഡയേക്ക് എന്റെ കൂടെ ഷോപ്പിങ്ങിന് വരണം എന്ന്. അങ്ങനെ ഇന്നലെ ഫോറം മാളിൽ പോയി, എന്നെ കൊണ്ട് ഡ്രസ്സും ചെരുപ്പും ഒക്കെ വാങ്ങിപ്പിച്ചു. ട്രയൽ റൂമിന് മുന്നിൽ കാത്തിരുന്ന അവൾക്ക് മടുക്കുന്നുണ്ടോ എന്ന് ചോദിച്ചപ്പോൾ ‘I can sit here forever for you, Amma’ എന്ന് മറുപടി. കൗണ്ടറിൽ എത്തിയപ്പോൾ അവളുടെ കയ്യിലുള്ളതിനേക്കാൾ അല്പം കൂടിയേക്കുമോ ഫൈനൽ ബിൽ എന്ന് സംശയമായി.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
ബാക്കി കാശ് അമ്മ കൊടുക്കാം, സാരമില്ല എന്ന് പറഞ്ഞിട്ടും മുഖം ആകെ വാടി. അപ്പോഴാണ് ബർത്ത്ഡേ മാസത്തിന്റെ ഡിസ്കൗണ്ടിന്റെ രൂപത്തിൽ പത്തുശതമാനം കാശ് ബില്ലിൽ കുറഞ്ഞത്. ആഹ്! അവളെ ഇത്രയും സന്തോഷിച്ച് ഈയടുത്തൊന്നും കണ്ടിട്ടില്ല. അതെ, ഇനിയും വിഷു വരും, തിരുവോണം വരും. നീയിനിയും വളരും. നിന്റെ നിഴൽ പറ്റി ഞാനും”, എന്ന് അശ്വതി ശ്രീകാന്ത് ഇൻസ്റ്റഗ്രാമിൽ കുറിച്ചു.
പിന്നാലെ നിരവധി പേരാണ് കമന്റുകളുമായി രംഗത്ത് എത്തിയത്. ”ഒരു കൊച്ചു കുഞ്ഞിൽ നിന്നും ആള് ഇത്രോം വലിയ കാര്യം ചെയ്യാൻ കഴിയുന്ന ആളായല്ലോ”, എന്നാണ് ഒരാൾ കമന്റ് ബോക്സിൽ കുറിച്ചിരിക്കുന്നത്. ”ആളുകൾ പരസ്പരം തണലാകുന്നത് കാണാൻ, അത് ഒരു കുട്ടിയാണെങ്കിൽ പോലും എന്തൊരു ഭംഗിയാണ്”, എന്നാണ് മറ്റൊരു കമന്റ്. ”ജീവിതത്തിൽ പറ്റിയാൽ ഇങ്ങനെ ഒരാളെ സമ്പാദിച്ചു വെച്ചേക്കണം, അതിന് ചേച്ചിടെ പങ്ക് ചെറുതല്ല”, എന്നാണ് മറ്റൊരാൾ കുറിച്ചത്. ”വെറുതെ കണ്ണു നിറയുന്നു ”, എന്നും ഒരാൾ കമന്റ് ചെയ്തിട്ടുണ്ട്.