കെ.ജി മുരളീധരഗുരുക്കൾ രണ്ടാം ചരമ വാർഷികം ഒക്ടോബർ 26 ഞായറാഴ്ച : മന്ത്രി വി എൻ വാസവൻ പുരസ്കാരം സമ്മാനിക്കും

ഏറ്റുമാനൂർ: കളരിപ്പയറ്റ് എന്ന ആയോധനകലക്ക്
മധ്യതിരുവിതാംകൂറിൽ വേരോട്ടം ഉറപ്പിക്കുന്നതിന് തൻറെ ജീവിതം തന്നെ ഉഴിഞ്ഞുവെച്ച ചെറുവാണ്ടൂർ ശ്രീപതി സി വി എൻ കളരിയുടെ
സ്ഥാപകനും പ്രമുഖ പാരമ്പര്യ മർമ്മ ചികിത്സ വൈദ്യനുമായിരുന്ന ആചാര്യ ശ്രീ കെ ജി മുരളീധര ഗുരുക്കളുടെ രണ്ടാം ചരമവാർഷികാഘോഷം ഒക്ടോബർ 26 ഞായറാഴ്ച വൈകുന്നേരം 4 മണിക്ക് പേരൂർ സെൻറ് സെബാസ്റ്റ്യൻസ് പള്ളി പാരിഷ് ഹാളിൽ വച്ച് നടക്കും.

കളരിപ്പയറ്റിനും പാരമ്പര്യ ആയോധന കലക്കും നൽകിയ സേവനങ്ങളെ മാനിച്ച് ഗുരുക്കളുടെ പേരിൽ ഏർപ്പെടുത്തിയ പ്രഥമ ഗുരു കടാക്ഷ പുരസ്കാരം സംസ്ഥാന സഹകരണ ദേവസ്വം തുറമുഖ വകുപ്പ് മന്ത്രി വി എൻ വാസവൻ സമ്മാനിക്കും.

വടക്കൻ സമ്പ്രദായത്തിലുള്ള കളരിപ്പയറ്റിന്റെ ഉപജ്ഞാതാവ് എന്നറിയപ്പെടുന്ന സി വി നാരായണഗുരുക്കളുടെ ചെറുമകനും തിരുവനന്തപുരം സി വി എൻ കളരിയുടെ സ്ഥാപകനുമായ
ജി സത്യനാരായണൻ ഗുരുക്കൾക്കാണ് പ്രഥമ കെ ജി മുരളീധര ഗുരുക്കൾ സ്മാരക ഗുരു കടാക്ഷ പുരസ്കാര സമ്മാനിക്കുന്നത്.
വിവിധ മേഖലയിൽ പ്രാവീണ്യം തെളിയിച്ച കലാകാരന്മാരെയും ഗുരുക്കളുടെ ആദ്യകാല ശിഷ്യരെയും പ്രത്യേകം പുരസ്കാരങ്ങൾ നൽകി ആദരിക്കും.
സിനിമാനടനും ഹാസിനടനുമായ നസീർ സംക്രാന്തി തിരുവഞ്ചൂർ സി വി എൻ കളരി ഗുരുനാഥൻ എബ്രഹാം ഗുരുക്കൾ കലാകാരന്മാരായ നെച്ചൂർ രതീശൻ ജ്യോതി കുട്ടൻ സംക്രാന്തിരാജൻ
എന്നിവർക്കും ചടങ്ങിൽ പുരസ്കാരങ്ങൾ സമ്മാനിക്കും
സംഘാടകസമിതി ചെയർമാൻ
എം എസ് ചന്ദ്രൻ അധ്യക്ഷത വഹിക്കുന്ന യോഗത്തിൽ
ജില്ലാ ജഡ്ജി ജോഷി ജോൺ കുട്ടിക്കാനം മരിയൻ ഇൻസ്റ്റ്യൂട്ട് ഓഫ് മാനേജ്മെൻറ് ഡയറക്ടർ ഡോക്ടർ മുരളി വല്ലഭൻ,
കുറവിലങ്ങാട് ദേവമാതാ കോളേജ് പ്രിൻസിപ്പൽ ഡോക്ടർ ഫിലിപ്പ് ജോൺ ,ജില്ലാ സ്പോർട്സ് കൗൺസിൽപ്രസിഡണ്ട് ഡോക്ടർ ബൈജു വർഗീസ് ഗുരുക്കൾ,
ഏറ്റുമാനൂർ മുനിസിപ്പൽ ചെയർപേഴ്സൺ ലൗലി ജോർജ് കൗൺസിലർമാരായ എം കെ സോമൻ സിന്ധു കർത്തേടം സുരേഷ് ബാബു എന്നിവർ ആശംസകൾ അർപ്പിക്കും.
ആഞ്ജനേയ കളരി സംഘത്തിൻറെ വൈലിൻ ഫ്യൂഷനും പ്രമുഖ ഗായകർ ആലപിക്കുന്ന ഗാനസന്ധ്യയും വിവിധ കളരി സംഘങ്ങൾ ചേർന്നൊരുക്കുന്ന കളരിപ്പയറ്റ് പ്രദർശനവും സംഘടിപ്പിക്കുമെന്ന് സ്വാഗതസംഘം ജനറൽ കൺവീനർ കെ എം മനോജ് ഗുരുക്കൾ സെക്രട്ടറി ബിജു ഗുരുക്കൾ എന്നിവർ അറിയിച്ചു.