മലപ്പുറം: മങ്കട സദാചാര കൊലക്കേസില് 5 പ്രതികള്ക്കും ജീവപര്യന്തം ശിക്ഷ വിധിച്ച് കോടതി. ഒന്നാം അഡീഷണല് ഡിസ്ട്രിക്റ്റ് ആൻ്റ് സെഷൻ ജഡ്ജ് ആണ് ശിക്ഷ വിധിച്ചത്. ഒന്നാംപ്രതി ഷറഫുദ്ദീൻ, രണ്ടാംപ്രതി അബ്ദുല് ഗഫൂര് മൂന്നാംപ്രതി അബ്ദു നാസര്, നാലാംപ്രതി സക്കീര് ഹുസൈൻ, അഞ്ചാംപ്രതി മുഹമ്മദ് സുഹൈല് എന്നിവര്ക്കാണ് ജീവപര്യന്തം ശിക്ഷ വിധിച്ചത്. കൂട്ടില് കുന്നശ്ശേരി നസീര് ഹുസൈനെ മര്ദ്ദിച്ചു കൊന്നു എന്നാണ് കേസ്. 2016 ജൂണ് 28ന് ആയിരുന്നു കൊലപാതകം.
Advertisements
ആള്ക്കൂട്ട കൊലയും ഭീകരവാദ പ്രവൃത്തിക്കും തുല്യമാണെന്ന് കോടതി നിരീക്ഷിച്ചു. മര്ദ്ദന ദൃശ്യം ഒന്നാം പ്രതിയുടെ ഫോണില് പകര്ത്തിയിരുന്നു. ദൃശ്യങ്ങള് ഡിലീറ്റ് ചെയ്തിരുന്നെങ്കിലും ഫോറൻസിക് പരിശോധനയില് വീണ്ടെടുത്തതാണ് കേസില് നിര്ണായകമായത്.