മാർ സ്ലീവാ മെഡിസിറ്റി ഓങ്കോളജി വിഭാ​ഗം മാർ സ്ലീവാ കാൻസർ കെയർ ആൻഡ് റിസർച്ച് സെന്ററിലേക്ക് മാറി പ്രവർത്തനം ആരംഭിച്ചു

ഫോട്ടോ : മാർ സ്ലീവാ മെഡിസിറ്റിയിലെ ഓങ്കോളജി വിഭാ​ഗം അത്യാധുനിക സൗകര്യങ്ങളോടെ നിർമ്മിച്ച മാർ സ്ലീവാ കാൻസർ കെയർ ആൻഡ് റിസർച്ച് സെന്ററിലേക്ക് മാറി പ്രവർത്തനം ആരംഭിച്ചപ്പോൾ. ആശുപത്രി മാനേജിം​ഗ് ഡയറക്ടർ മോൺ.ഡോ.ജോസഫ് കണിയോടിക്കൽ, സി.ഇ.ഒ റവ.ഡോ.അ​ഗസ്റ്റിൻ കൂട്ടിയാനിയിൽ, ഫിനാൻസ് ആൻഡ് മെറ്റീരിയൽ ഡയറക്ടർ റവ.ഡോ.എമ്മാനുവൽ പാറേക്കാട്ട്, എച്ച്.ആർ ആൻഡ് നഴ്സിം​ഗ് ഡയറക്ടർ റവ.ഡോ.ജോസഫ് കരികുളം, ആശുപത്രി ഓപ്പറേഷൻസ്, ബ്രാൻഡിം​ഗ് ആൻഡ് ഹെൽത്ത്കെയർ പ്രമോഷൻ ഡയറക്ടർ റവ.ഫാ.​ഗർവാസീസ് ആനിത്തോട്ടത്തിൽ, ആയുഷ് വിഭാ​ഗം ഡയറക്ടർ റവ.ഫാ.മാത്യു ചേന്നാട്ട്, ചാപ്ലെയിൻ റവ.ഫാ.അ​ഗസ്റ്റിൻ കൊഴുപ്പൻകുറ്റി, ചീഫ് ഓഫ് മെഡിക്കൽ സർവീസസ് എയർ കോമഡോർ ‍‍ഡോ.പൗളിൻ ബാബു, ഓങ്കോളജി വിഭാ​ഗം മേധാവി ഡോ.റോണി ബെൻസൺ തുടങ്ങിയവർ സമീപം

പാലാ : മാർ സ്ലീവാ മെഡിസിറ്റിയിലെ ഓങ്കോളജി വിഭാ​ഗം അത്യാധുനിക സൗകര്യങ്ങളോടെ നിർമ്മിച്ച മാർ സ്ലീവാ കാൻസർ കെയർ ആൻഡ് റിസർച്ച് സെന്ററിലേക്ക് മാറി പ്രവർത്തനം ആരംഭിച്ചു. കേന്ദ്രീകൃത എയർകണ്ടീഷൻ സൗകര്യമുള്ള രണ്ട് നിലകളിലായാണ് പുതിയ സെന്ററിൽ ഓങ്കോളജി വിഭാ​ഗത്തിന്റെ പ്രവർത്തനം തുടങ്ങിയിരിക്കുന്നത്. 35 ബെഡ് കീമോതെറാപ്പി കെയർ യൂണിറ്റ്, 3 വി.ഐ.പി സ്യൂട്ട് തെറാപ്പി ബെഡ്, 2 പീഡിയാട്രിക് ബെഡ് സൗകര്യങ്ങൾ ഓങ്കോളജി ഡേ കെയറിലുണ്ട്. കീമോതെറാപ്പി ആവശ്യത്തിനായി എത്തുന്നവർക്ക് ഏറെ സു​ഗമമായി ചികിത്സയ്ക്ക് സൗകര്യങ്ങൾ ഒരുക്കുന്ന സംവിധാനങ്ങളാണ് ക്രമീകരിച്ചിരിക്കുന്നത്. ആശുപത്രി മാനേജിം​ഗ് ഡയറക്ടർ മോൺ.ഡോ.ജോസഫ് കണിയോടിക്കലിന്റെ കാർമികത്വത്തിൽ പ്രാർഥനയെ തുടർ‌ന്നാണ് പുതിയ സെന്ററിലേക്ക് ഓങ്കോളജി വിഭാ​ഗം പ്രവർത്തനം മാറി തുടങ്ങിയത്.

അത്യാധുനിക ഡിജിറ്റൽ പെറ്റ് സി.റ്റിയും സെന്ററിൽ പ്രവർത്തനം തുടങ്ങിയിരുന്നു. 7 മിനിറ്റിനുള്ളിൽ രോ​ഗനിർണയം നടത്താൻ സാധിക്കുന്ന ഏറ്റവും നൂതന സാങ്കേതിക വിദ്യയോടെയുള്ള യന്ത്രമാണ് ന്യൂക്ലിയർ മെഡിസിൻ വിഭാ​ഗത്തിന്റെ കീഴിൽ പ്രവർത്തിക്കുന്നത്. 80 സ്ലൈസ് ഉള്ള പെറ്റ് സി.ടി യന്ത്രം ആയതിനാൽ ഏറ്റവും മികച്ച ​ഗുണനിലവാരമുള്ള ഇമേജുകൾ കിട്ടുമെന്നതും പ്രത്യേകതയാണ്.

സ്പെക്ടും ഉടൻ പ്രവർത്തനം തുടങ്ങും. മുതിർന്നവരുടെയും കുട്ടികളുടെയും കാൻസർ ചികിത്സ ഉറപ്പാക്കുന്ന മെഡിക്കൽ ഓങ്കോളജി, ഹെമറ്റോ ഓങ്കോളജി, സർജിക്കൽ ഓങ്കോളജി, റേഡിയേഷൻ ഓങ്കോളജി, ന്യൂക്ലിയർ മെഡിസിൻ തുടങ്ങിയ വിവിധ ചികിത്സാ വിഭാ​ഗങ്ങളാണ് നിലവിൽ സെന്ററിലുള്ളത്. സ്റ്റെം സെൽ ആൻഡ് ബോൺ മാരോ ട്രാൻസ്പ്ലാന്റ്, കാർ – ടി സെൽ തെറാപ്പി യൂണിറ്റ്, പാലിയേറ്റീവ് ഓങ്കോളജി, ഓങ്കോ ന്യൂട്രീഷൻ, സൈക്കോ ഓങ്കോളജി, എന്നിവയ്ക്കു പുറമെ കാൻസർരോ​ഗ ​ഗവേഷണ പരിപാടികൾ, 14 മൾട്ടിഡിസിപ്ലിനറി കാൻസർ ക്ലിനിക്കുകളും ഉടൻ പ്രവർത്തനം തുടങ്ങും. റേഡിയേഷൻ ചികിത്സയ്ക്കുള്ള വിദേശനിർമിത ലിനാക്, മ‍‍‍ജ്ജമാറ്റിവെയ്ക്കൽ ശസ്ത്രക്രിയയ്ക്കുള്ള അഫറേസിസി മെഷീൻ ആൻഡ് ക്രയോ പ്രിസർവേഷൻ യൂണിറ്റ്ബോൺമാരോ ട്രാൻസ്പ്ലാന്റ് യൂണിറ്റും ഉടൻ പ്രവർത്തനം തുടങ്ങും.