കൊച്ചി: മലയാളികളുടെ പ്രിയങ്കരനായ നടനാണ് ഇന്ദ്രൻസ്. ഒരുകാലത്ത് സിനിമയുടെ പിന്നണിയില് അഭിനേതാക്കള്ക്ക് തുണികള് തയ്ച്ച് കൊടുത്തിരുന്ന ഇന്ദ്രൻസ് എന്ന നടന്റെ വളർച്ച മലയാളികള് ഒന്നടങ്കം അഭിമാനത്തോടെയാണ് നോക്കിക്കണ്ടത്. ഇന്ന് മലയാള സിനിമയിലെ മികച്ച നടന്മാരില് ഒരാളായി തിളങ്ങി നില്ക്കുന്ന ഇന്ദ്രൻസിന്റെ പൊതുവേദികളിലെ ആശയവിനിമയവും പെരുമാറ്റ രീതിയുമെല്ലാം എപ്പോഴും ശ്രദ്ധനേടാറുണ്ട്. ഇതിനെ പ്രശംസിക്കുന്നവരും ധാരാളമാണ്. ഇപ്പോഴിതാ തന്റെ ഈ എളിമ ഫലം കാണുന്നുണ്ടോ ദൂഷ്യം ചെയ്യുന്നുണ്ടോ എന്ന ചോദ്യത്തിന് മറുപടി പറയുകയയാണ് ഇന്ദ്രൻസ്.
“അത് ഞാന് നോക്കിയിട്ടില്ല. എനിക്ക് അതാണ് ശീലം. മറ്റുള്ളവരോട് മര്യാദയ്ക്ക് സംസാരിക്കുക. അവര് തിരിച്ചും നമ്മളോട് അങ്ങനെ പെരുമാറുന്നു. ഇതുവരെ അതെനിക്ക് ദോഷം ചെയ്തിട്ടില്ല. എന്റെ ശീലം അതാണ്. അത് മാറ്റാന് ശ്രമിക്കുകയാണെങ്കില് ഞാന് അഭിനയിക്കേണ്ടി വരും. അതെന്നെ വിട്ട് പോകില്ലല്ലോ”, എന്നാണ് ഇന്ദ്രൻസ് പറഞ്ഞത്. ഒണ് ടു ടോക്ക് എന്ന യുട്യൂബ് ചാനലിനോട് ആയിരുന്നു താരത്തിന്റെ പ്രതികരണം.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
അതേസമയം, ആട് 3 ആണ് ഇന്ദ്രൻസിന്റേതായി റിലീസിന് ഒരുങ്ങുന്ന ചിത്രം. മാർച്ച് 16ന് സിനിമ തിയറ്ററില് എത്തും. മിഥുൻ മാനുവല് തോമസ് രചിച്ചു സംവിധാനം ചെയ്യുന്ന ചിത്രം നിർമിക്കുന്നത് വിജയ് ബാബു ആണ്. ഷാജി പാപ്പൻ, ഡ്യൂഡ്, അറക്കല് അബു, സാത്താൻ സേവ്യർ, സർബത് ഷമീർ, പി പി ശശി, ക്യാപ്റ്റൻ ക്ളീറ്റസ് എന്നിവർക്കൊപ്പം ലാറ കേറ്റ് എന്നൊരു പുതിയ കഥാപാത്രത്തെയും ഇത്തവണ ചിത്രത്തില് അവതരിപ്പിക്കുന്നുണ്ട്. . ജയസൂര്യ, വിനായകൻ, ഇന്ദ്രൻസ്, ധർമജൻ ബോള്ഗാട്ടി, വിജയ് ബാബു, നോബി, നിർമ്മല് പാലാഴി, സൈജു കുറുപ്പ്, ഹരികൃഷ്ണൻ, ഭഗത് മാനുവല്, സണ്ണി വെയ്ൻ, സുധി കോപ്പ, ബിജു കുട്ടൻ എന്നിവരാണ് ചിത്രത്തിലെ പ്രധാന വേഷങ്ങള് ചെയ്യുന്നത്.