ന്യൂഡൽഹി:ഡിജിറ്റൽ അറസ്റ്റ് തട്ടിപ്പുകളിൽ രാജ്യവ്യാപക അന്വേഷണം ആരംഭിക്കാൻ സുപ്രീം കോടതി സി.ബി.ഐക്ക് നിർദേശം നൽകി. തട്ടിപ്പുകളുമായി ബന്ധപ്പെട്ട് ബാങ്കർമാരുടെ പങ്ക് ഉൾപ്പെടെ എല്ലാ സാഹചര്യങ്ങളും സ്വതന്ത്രമായി അന്വേഷിക്കാൻ സി.ബി.ഐക്ക് പൂർണ അധികാരം നൽകുന്ന ഉത്തരമാണ് ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് പുറപ്പെടുവിച്ചത്. ഈ വിഷയത്തിൽ സുപ്രീം കോടതി സ്വമേധയാ രജിസ്റ്റർ ചെയ്ത ഹർജിയിലാണ് നിർണായക ഉത്തരവായി ഇത് പുറപ്പെട്ടത്.തട്ടിപ്പുകാർ ഉപയോഗിക്കുന്ന ബാങ്ക് അക്കൗണ്ടുകളുടെ തുറന്നുപയോഗത്തിൽ ബാങ്കുജനങ്ങളുടെ പങ്ക് നിർണ്ണയിക്കണമെന്നും, ആവശ്യമെങ്കിൽ അക്കൗണ്ടുകൾ മരവിപ്പിക്കുമെന്നും കോടതി വ്യക്തമാക്കി.
സംശയാസ്പദ അക്കൗണ്ടുകൾ കണ്ടെത്തുന്നതിനും ട്രാക്ക് ചെയ്യുന്നതിനും നിർമിത ബുദ്ധിയുടെ സാധ്യതകൾ പരിശോധിക്കാൻ ആർ.ബി.ഐയുമായി സമാലോചന നടത്താൻ സി.ബി.ഐക്ക് കോടതി നിർദേശം നൽകി.ഡിജിറ്റൽ അറസ്റ്റ് തട്ടിപ്പുകളിൽ ഉപയോഗിക്കുന്ന സിം കാർഡുകളുടെ ദുരുപയോഗം തടയാൻ ടെലികോം വകുപ്പും ടെലികോം സേവനദാതാക്കളും സംയുക്തമായി കർശന മാർഗ നിർദേശം തയ്യാറാക്കണമെന്നും കോടതി നിർദ്ദേശിച്ചു.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കൂടാതെ, എല്ലാ സംസ്ഥാനങ്ങളും സി.ബി.ഐ അന്വേഷണത്തിന് പൂർണ സഹകരണം നൽകണമെന്നും, രാജ്യത്തെ സൈബർ സുരക്ഷ ശക്തിപ്പെടുത്താൻ സൈബർ ക്രൈം കേന്ദ്രങ്ങൾ അടിയന്തരമായി സ്ഥാപിക്കണമെന്നും സുപ്രീം കോടതി നിർദേശിച്ചു.ആവശ്യമെങ്കിൽ അന്താരാഷ്ട്ര അന്വേഷണത്തിനായി ഇന്റർപോൾ സഹായവും തേടാമെന്ന് കോടതി വ്യക്തമാക്കിയിട്ടുണ്ട്. രാജ്യത്താകെ വ്യാപകമായി ഉയർന്നുവരുന്ന ഡിജിറ്റൽ അറസ്റ്റ് തട്ടിപ്പുകളെ നിയന്ത്രിക്കാനും തടയാനും സമഗ്രമായ നടപടി ഒഴിവാക്കാനാകില്ലെന്ന് ബഞ്ച് നിരീക്ഷിച്ചു