തൊഴുത്തിലെ അപകടം;നെന്മാറയിൽ ക്ഷീരകർഷകന് തൂൺ വീണ് ദാരുണാന്ത്യം

പാലക്കാട്:തൊഴുത്തിൽ കയറാൻ ശ്രമിക്കവെ മേൽക്കൂരയിലെ തൂൺ വീണ് ക്ഷീരകർഷകന് ദാരുണാന്ത്യം. നെന്മാറയിലെ കയറാടി, മരുതുഞ്ചേരി മുഹ്സിൻ മൻസിലിലെ മീരാൻ സാഹിബാണ് (71) മരിച്ചത്.ഇന്നലെ ഉച്ചയ്ക്ക് 1.30 ഓടെയായിരുന്നു സംഭവം. പശുവിനെ കറക്കാനായി തൊഴുത്തിലേക്ക് പോയ മീരാൻ സാഹിബ്, കാറ്റിൽ മറിഞ്ഞ മേൽക്കൂരയിലെ പ്ലാസ്റ്റിക് ഷീറ്റ് വലിച്ചുകെട്ടുന്നതിനിടയിൽ, സിമന്റ് കട്ട കൊണ്ട് നിർമ്മിച്ച തൂൺ ശരീരത്തേക്ക് മറിഞ്ഞു വീഴുകയായിരുന്നു. ഗുരുതര പരുക്കുകളേറ്റ അദ്ദേഹം ആദ്യം വീട്ടുകാരും അയൽക്കാരും സഹായത്തോടെ നെന്മാറയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിച്ചു.

മീരാൻ സാഹിബ് മുന്‍ ക്ഷീരോൽപാദക ജീവനക്കാരനാണ്. സംഭവം സംബന്ധിച്ച് നെന്മാറ പോലീസ് ഇൻക്വസ്റ്റ് നടത്തി. മൃതദേഹം പോസ്റ്റ്‌മോർട്ടത്തിനായി ജില്ലാ ആശുപത്രിയിലേക്കു മാറ്റി.

വ്യക്തിഗത വിവരങ്ങൾ:ഭാര്യ: മുംതാജ്മക്കൾ: മുഹ്‌സിൻ, മുത്തഹസ്സിൻ (ബിഎച്ച്ഇഎൽ, ബെംഗളൂരു), മുഹ്സിനമരുമക്കൾ: തസ്നി (ദുബായ്), ഷംന, അഷറഫ് (ദുബായ്)മൃതകന്റെ മാതാപിതാക്കൾ: മൊയ്‌തീൻകുട്ടി, ആമിന ദമ്പതികൾസംസ്‌കാരം: ഇന്ന് ഉച്ചയ്ക്കുശേഷം 3.30 ന് കയറാടി ജുമാ മസ്ജിദിൽ നടക്കും.