ഫോട്ടോ : എസ്ബി കോളേജ് കേരളത്തിലെ മികച്ച വ്യവസായ സംരംഭകർക്കു നൽകുന്ന ബർക്കുമാൻസ് സംരംഭക പുരസ്കാരം എം.എസ്.എം.ഇ ജോയിന്റ് ഡയറക്ടറും ഓഫീസ് മേധാവിയുമായ പ്രകാശ് ജി.എസിൽ നിന്നും ഏറ്റുവാങ്ങി ഓക്സിജൻ സിഇഒ ഷിജോ കെ. തോമസ്. കോളേജ് മാനേജർ റവ. ഫാ. ആന്റണി ഏത്തക്കാട്, പ്രിൻസിപ്പൽ ഫാ. ടെഡി സി. കാഞ്ഞൂപ്പറമ്പിൽ എന്നിവർ സമീപം
ചങ്ങനാശേരി: കേരളത്തിലെ സംരംഭകത്വ രംഗത്തെ മികച്ച സംഭാവനകൾ പരിഗണിച്ച്, എസ്ബി കോളേജ് നൽകുന്ന ബർക്കുമാൻസ് സംരംഭക പുരസ്കാരം ഈ വർഷം എം.എസ്.എം.ഇ ജോയിന്റ് ഡയറക്ടറും ഓഫീസ് മേധാവിയുമായ ശ്രീ. പ്രകാശ് ജി.എസിൽ നിന്നും ഏറ്റുവാങ്ങി ഓക്സിജൻ ഗ്രൂപ്പ് സിഇഒയും സ്ഥാപകനുമായ ഷിജോ കെ. തോമസ്. എല്ലാ വർഷവും നൽകി വരുന്ന ഈ പുരസ്കാരത്തിന്റെ മുപ്പതാം എഡിഷനാണ് ഇത്തവണ നടന്നത്.
നിങ്ങളുടെ വാട്സപ്പിൽ അതിവേഗം വാർത്തകളറിയാൻ ജാഗ്രതാ ലൈവിനെ പിൻതുടരൂ Whatsapp Group | Telegram Group | Google News | Youtube
കേരളത്തിലെ ഏറ്റവും മികച്ച വ്യവസായ സംരംഭകരെ ആദരിക്കുന്ന ഈ പുരസ്കാരത്തിനായി നൂറോളം അപേക്ഷകളാണ് ലഭിച്ചത്. സംരംഭകത്വത്തിലെ മികവ്, നൂതനത്വം, സാമൂഹിക സ്വാധീനം എന്നീ മാനദണ്ഡങ്ങൾക്കനുസരിച്ച് വിശദമായ പരിശോധനകൾക്ക് ശേഷമാണ് ഓക്സിജൻ സിഇഒ ഷിജോ കെ. തോമസിനെ പുരസ്കാരത്തിനായി തിരഞ്ഞെടുത്തത്.
എസ്ബി കോളേജിൽ നടന്ന പ്രൗഢഗംഭീരമായ ചടങ്ങിൽ വെച്ച്, എം.എസ്.എം.ഇ. (MSME – Ministry of Micro, Small and Medium Enterprises) ജോയിന്റ് ഡയറക്ടറും ഓഫീസ് മേധാവിയുമായ ശ്രീ. പ്രകാശ് ജി.എസ്. പുരസ്കാരം ഓക്സിജൻ സിഇഒ ഷിജോ കെ. തോമസിന് കൈമാറി. കോളേജ് മാനേജർ റവ. ഫാ. ആന്റണി ഏത്തക്കാട്, പ്രിൻസിപ്പൽ ഫാ. ടെഡി സി. കാഞ്ഞൂപ്പറമ്പിൽ എന്നിവർ ചടങ്ങിൽ സന്നിഹിതരായിരുന്നു.
കേരളത്തിന്റെ സംരംഭകത്വ ഭൂപടത്തിൽ സുപ്രധാനമായ സ്ഥാനമാണ് ഈ പുരസ്കാരത്തിലൂടെ ഷിജോ കെ. തോമസ് ഉറപ്പിച്ചത്. എസ്ബി കോളേജ് സംരംഭകത്വ സംസ്കാരത്തെ പ്രോത്സാഹിപ്പിക്കുന്നതിനുള്ള തങ്ങളുടെ ദീർഘകാല പ്രതിബദ്ധത ഈ 30-ാം എഡിഷനിലൂടെ വീണ്ടും തെളിയിച്ചു.