കണ്ണൂരിൽ ബിഎൽഒ ജീവനൊടുക്കി; എസ്ഐആർ സമ്മർദമാണ് മരണത്തിന് പിന്നിലെ കാരണമെന്ന് ബന്ധുക്കളുടെ ആരോപണം ;റിപ്പോർട്ട്‌ തേടി മുഖ്യ തിരഞ്ഞെടുപ്പ് ഓഫീസർ

കണ്ണൂർ :പയ്യന്നൂർ ഏറ്റുകുടുക്കയിൽ ബിഎൽഒ ജീവനൊടുക്കി. കുന്നരു യുപി സ്‌കൂളിലെ പ്യൂൺ അനീഷ് ജോർജിനെയാണ് തൂങ്ങിമരിച്ച നിലയിൽ കണ്ടെത്തിയത്. എസ്ഐആർ ജോലി സംബന്ധമായ സമ്മർദമാണ് മരണകാരണമെന്ന് ബന്ധുക്കൾ ആരോപിച്ചു. ബൂത്തലെവൽ ഓഫീസറായ (ബിഎൽഒ) അനീഷ് ജോർജ് ജോലി സമ്മർദത്തെക്കുറിച്ച് നേരത്തേ തന്നെ ജില്ലാ കലക്‌ടർക്ക് പരാതി നൽകിയിരുന്നതായാണ് സൂചന. ബിഎൽഒ അനീഷിന്റെ മരണവുമായി ബന്ധപ്പെട്ട് മുഖ്യ തിരഞ്ഞെടുപ്പ് ഓഫിസർ ജില്ലാ കലക്‌ടറോട് റിപ്പോർട്ട് തേടിയിട്ടുണ്ട്